اسلام آباد۔25ستمبر(اے پی پی) د قومي اسمبلۍ سپيكر راجه پروېز اشرف وئيلي دي چې ورځپاڼو په اولسي بېدارۍ او په ټولنه كښې د جمهوري اقدارو وده كښې د يادونې وړ كردار ترسره كړې دې۔ د ګل په ورځ د اخبار لوستلو قومي ورځې په موقعه په خپل پېغام كښې ده اے پی اېن اېس، ایډیټرز، پرنټ میډیا سره تړون لرونكو خبريالانو ٬ د ورځپاڼو عملې او لوستونكو ته مباركي وركولو سره ووئيل چې د آل پاکستان نیوز پېپرز سوسائټی لخوا د اخبار لوستلو قومي ورځې لمانځل خوشبين دي۔ ده ووئيل د پاكستان د آبادۍ زياته برخه په ځوانانو مشتمل ده۔ د اخبار لوستلو قومي ورځې لمانځل به په ځوان كول كښې د ورځپاڼو اهميت او افاديت په ډاګه كولو كښې مهم پېشرفت ثابت شي۔ د الېکټرانک او ډیجیټل میډیا پرمختګ باوجود ورځپاڼې لوستونكي لپاره د سماجي او معاشي مسئلو څخه خبرېدو او د مستند خبرونو تر ټولو معتبر ذريعه ده۔ راجه پروېز اشرف ووئيل د فېك نيوز په دې دور كښې د ورځپاڼو د لارې په حقائقو اډانه خبرونه او تجزيې اولس ته رسولې شي۔ ده ووئيل د ابلاغ ذريعو د موجودګۍ باوجود نن د ورځپاڼو ګڼ شمېر لوستونكي موجود دي۔ ده ووئيل د ورځپاڼو لوستلو عادت د انسان نقطه نظر پراخا كوي او د ده په علم كښې اضافه كوي۔
ورځپاڼو په اولسي بېدارۍ كښې د يادونې وړ كردار ترسره كړې دې ٬ د قومي اسمبلۍ سپيكر
مضمون کا ماخذ : آن لائن اسکریچ کارڈز
متعلقہ مضامین
