اسلام آباد ۔ 12 مارچ (اے پی پی) صدر مملکت ڈاکٹر عارف علوی آکھیے جو پاکستان اتے ترکمانستان وچال سانجھے عقیدے، ثقافت اتے تریخ تے مبنی چنگے تے پکے تعلقات ہن۔ ڈوہائیں ملکاں امن ، خوشحالی اتے ترقی دے سانجھے مقاصد سانگے رابطیاں کوں بیا پکا کیتے۔ انہاں ایہ گالھ ترکمانستان کابینہ دے ڈپٹی چیئرمین اتے وزیر خارجہ راشد میریدوف اویزجیلدیوچ نال گالھ مہاڑ کریندے ہوئیں آکھی،جنہاں منگل کوں ایوان صدر اچ انہاں نال ملاقات کیتی۔ صدر عارف علوی آکھیے جو ڈوہائیں ملکاں وچال ڈو طرفہ ،اقوام متحدہ، او آئی سی اتے ای سی او سمیت کثیر الجہتی فورمز تے پکا تے چنگا تعاون پاتا ویندے۔ صدر مملکت آکھیا جو ڈوہائیں ملکاں وچال موجودہ تجارتی حجم، موجود مواقع اتے سانجھا خوشگوار تعلقات نال جڑے ہوئے ہن ۔ انہاں ایں گالھ تے زور ڈتا جوڈوطرفہ تجارت اتے اقتصادی تعلقات کو ں بیاودھاونڑ دی ضرورت ہے۔ انہاں آکھیا جو زراعت، تعمیرات ،دوائیاں بنراونڑ اتے انفارمیشن ٹیکنالوجی سمیت مختلف شعبیں اچ سانجھامنصوبے گولنڑ دی ضرورت ہے۔ ڈاکٹر عارف علوی آکھیا جوپاکستان پورے خطے اتے ایندے عوام دی بہبود سانگے علاقائی رابطیاں اچ ودھارے داخواہشمند ہے۔ پاکستان گوادر بندر گاہ اتے اپنڑے قومی شاہراتی تے ریل نیٹ ورک دے ذریعے ترکمانستان کوں بہوں گھٹ رستہ فراہم کر سگدے۔ انہاںجڑواں بندرگاہ رابطیاں بارے گوادر اتے ترکمانستان وچال ایم او یو کوں وختی مکمل کرنڑ دی ضرورت تے زور ڈتے۔
صدر مملکت ڈاکٹر عارف علوی دی ترکمانستان کابینہ دے ڈپٹی چیئرمین اتے وزیر خارجہ راشد میریدوف اویز جیلد یوچ نال ملاقات اچ گالھ مہار
مضمون کا ماخذ : را کی کتاب
متعلقہ مضامین
