اسلام آباد ۔ 12 مارچ (اے پی پی) وزیرمملکت موسمیاتی تبدیلی زرتاج گل آکھیے جو حکومت ایجھے منصوبیں تے کم کر یندی پئی ہے ،جیندے نال پاکستان خطے دا سرسبزوشاداب ملک ہونڑ دے نال معاشی حب بنڑمن ویندا پئے ، نویں نسل کوں ماحولیاتی آلودگی بارے ڈساونڑ دی لوڑھ ہے۔ انہاں خیالیں د ااظہارزرتاج گل منگل کوں نیشنل پریس کلب اچ بیکن ہاوس سکول سسٹم دے زیر اہتمام ماحولیاتی آلودگی دے حوالے نال منعقدہ تقریب نال خطاب کریندے ہوئیں کیتے ۔ زرتاج گل آکھیا جوایہ گالھ اساڈے کیتے خوش آئند ہے جو نویں نسل ماحولیاتی تبدیلیاں اتے گندگی توں باخبر ہے۔ انہاں آکھیا جومیکوں اج دی تقریب اچ ایہ جانڑ تے خوشی تھئی جو سکول دے طالبعلم ماحولیاتی آلودگی مکاونڑ دے علاوہ جنگلی حیات دے تحفظ بارے وی وژن رکھیندن ۔ تقریب دے چھیکڑ اچ نیشنل پریس کلب دے لان اچ علامتی آگاہی واک دا وی اہتمام کیتا گیا۔
وزیرمملکت موسمیاتی تبدیلی زرتاج گل دا بیکن ہاوس سکول سسٹم دے زیر اہتمام تقریب نال خطاب
مضمون کا ماخذ : بفیلو بلٹز
متعلقہ مضامین
