اسلام آباد ۔ 6 ستمبر (اے پی پی) پنجاب اچ صنعتاں کوں معائنہ جات بارے مشکلاں دور کرنڑ سانگے انسپکٹر بارے نظام اتے ضروری عوامل بارے انسپکشن دا عمل تھرڈ پارٹی توں کراونڑ تے اصولی اتفاق کیتا گیا۔وزیراعظم عمران خان دی صدارت اچ کاروباری طبقے سانگے سوکھ پیدا کرنڑ اتے مزدوراں دے حقوق دے تحفظ بارے اجلاس جمعہ کوں تھیا۔اجلاس اچ مشیر تجارت عبدالرزاق داو ¿د، وزیرِاعلیٰ پنجاب سردار عثمان بزدار، معاون خصوصی برائے اطلاعات و نشریات ڈاکٹر فردوس عاشق اعوان، چیئرمین سرمایہ کاری بورڈ زبیر گیلانی، وزیرِ صنعت پنجاب میاں محمد اسلم اقبال، وزیرِ برائے لیبر انصر مجید خان اتے متعلقہ وفاقی تے صوبائی محکمہ جات دے سینئر افسر شریک ہن۔وزیراعظم کوں پنجاب اچ صنعتاں اتے انہاں دے مسئلیاں خصوصی طور محکمیاں ولوں معائنہ بارے آونڑ آلی اوکھ بارے تفصیلی بریفنگ ڈتی گئی ۔وزیراعظم کوں ڈسیا گیا جو بجلی دے مختلف کمپنیاں دے ڈیٹا دے مطابق پنجاب اچ تقریباً226600 صنعتی یونٹس ہن جنہاں اچوں 55,435 دے کنکشن منقطع تھی گئن جڈانجو لیبر ڈیپارٹمنٹ پنجاب کنے 22475 صنعتی یونٹس رجسٹرڈ ہن۔وزیراعظم اجلاس نال خطاب کریندیں ہوئیں آکھیا جو لیبر اتے مزدور دے حقوق دے تحفظ سانگے صنعتی یونٹس دا اندراج اتے اندراج تھیے یونٹس سانگے آسانیاں پیدا کرنڑ ضروری اے کیونجو صنعتی عمل نہ رُکے۔
وزیرِاعظم عمران خان دی صدارت اچ کاروباری طبقے سانگے سوکھ پیدا کرنڑ اتے مزدوراں دے حقوق دے تحفظ بارے اجلاس
مضمون کا ماخذ : ٹکی انماد
متعلقہ مضامین
