اسلام آباد ۔ 25 جون(اے پی پی) پاکستان سڑکاں دی تعمیر دے مختلف منصوبیاں کیتے 1.7 ارب ڈالر دی غیر ملکی سرمایہ کاری دا خواہشمند ہے تانجو بنیادی ڈھانچے دی تعمیرتے ترقی اچ معاونت حاصل تھی سگے ۔ نیشنل ہائی وے اتھارٹی دے چئرمین شاہد اشرف تارڑ آپنڑیں ہک بیان اچ آکھیا جو پاکستان دی تریخ اچ پہلی واری وزیراعظم محمد نواز شریف دی ہدائت تے سڑکاں دی تعمیر دا بہوں وڈا منصوبہ تیار کیتا گئے تانجو اقتصادی ترقی اتے تجارت اچ ودھارا کیتا ونج سگے ۔ انہاں آکھیا جو منصوبے دے تحت 850 ارب روپے یعنی 8.1 ارب ڈالر دے سڑکاں دی تعمیر دے مختلف منصوبے آندے ترائے سالیں اچ مکمل کیتے ویسن۔ جیندے نال قومی جی ڈی پی اچ ہک توں1.5 فیصد دا ودھارا تھیسی ۔ انہاں آکھیا جو پاکستانی بینکاں دے کنسورشیم موٹرویز دے مختلف منصوبیاں کیتے 1.5 ارب ڈالر دا انتظام کیتے جڈانجو حکومت حیدرآباد اتے سکھر وچال 296 کلومیٹر ہائی وے دی تعمیر کیتے 1.7 ارب ڈالر دی غیر ملکی سرمایہ کاری دی خواہشمند ہے جیندے نال بنیادی ڈھانچے دی ترقی اچ نمایاں مدد حاصل تھیسی۔
پاکستان سڑکاں دی تعمیر دے مختلف منصوبیاں کیتے 1.7 ارب ڈالر دی غیر ملکی سرمایہ کاری دا خواہشمند ہے، چئرمین نیشنل ہائی وے اتھارٹی
مضمون کا ماخذ : میگا ملینز کے فاتحین
متعلقہ مضامین
