اسلام آباد ۔ 3 اکتوبر (اے پی پی) وزیرِ اعظم عمران خان آکھیے جو کاروباری برادری دے حکومت دی مضبوط پارٹنر شپ معیشت تے ملکی ترقی کیتے اہم اے ،نیب متعلق کاروباری برادری دے تحفظات دے حل کیتے لائحہ عمل تشکیل ڈتا گے تے ایں سلسلے اچ کاروباری شخصیات تے مشتمل کمیٹی تشکیل ڈتی ویندی پئی ےا تاں جو نیب اتے کاروباری برادری متعلق معاملات کوں احسن طریقے نال حل کیتا ونج سگے، او ملک دے مختلف ایوان ہائے صنعت و تجارت نال تعلق رکھنڑ آلے وفد نال گال مہاڑ کریندے پئے ہن جنہاں خمیس کوں اتھاں ملاقات کیتی ، وفد اچ مختلف چیمبرز دے سابق و موجودہ صدور شامل ہن۔ وزیراعظم دے مشیر خزانہ ڈاکٹر عبد الحفیظ شیخ، وزیراعظم دے مشیر تجارت عبدالرزاق داود، چیئرمین سرمایہ کاری بورڈ زبیرگیلانی تے بئے سینئر افسر وی ملاقات اچ موجود ہن ۔ایں موقع تے کراچی، لاہور، گوجرانوالا، سیالکوٹ، اسلام آباد اتے فیصل آباددے ایوان صنعت و تجارت دے صدور معیشت دی بہتری اتے کاروباری سرگرمیاں اچ تیزی گھن آونڑ خصوصاً برآمدات ودھاونڑ دے حوالے نال وزیر اعظم کوں مختلف تجویزاں پیش کیتیاں ۔ وفد وزیرِ اعظم دی تاجر برادری نال مسلسل ملاقاتاں اتے بزنس کمیونٹی کوں رلے گھن تے ٹرنڑ دی پالیسی دی تعریف کیتی ۔وفد اقوام متحدہ دی جنرل اسمبلی اچ مدلل تقریر اتے کشمیر دا مقدمہ چنگے طریقے نال پیش کرنڑ تے آکھیا جو وزیرِ اعظم پاکستان اساڈے جذبات دی ترجمان کیتی۔ وفد وزیراعظم کوں کاروباری برادری کوں درپیش مسلیںدا ڈسایا۔ وزیراعظم آکھیا جو موجودہ حکومت کاروباری برادری کوں ہر ممکن سہولتاں ڈیونڑ کیتے پرعزم اے ۔انہاں آکھیا نیب متعلق کاروباری برادری دے تحفظات دے حل کیتے لائحہ عمل تشکیل ڈے ڈتا گے تے ایں سلسلے اچ کاروباری شخصیات تے مشتمل کمیٹی بنڑائی ویندی پئی اے ۔ وزیرِ اعظم آکھیا جو کاروباری برادری اتے حکومت دی مضبوط پارٹنر شپ معیشت اتے ملک دی ترقی کیتے بہوں اہم اے ۔
کاروباری برادری اتے حکومت دی مضبوط پارٹنر شپ معیشت، ملکی ترقی کیتے اہم اے ، وزیرِ اعظم عمران خان دی ایوان ہائے صنعت و تجارت دے وفد نال گال مہاڑ
مضمون کا ماخذ : ٹربو چارج
متعلقہ مضامین
