اسلام آباد۔ 10 مارچ (اے پی پی) وزیر اعظم شاہد خاقان عباسی آکھیا جو تربیلا فور توسیعی منصوبہ حکومت دی کوششاں نال ویلھے اتے مقررہ نرخ تے پورا تھیے۔عالمی بینک دے تعاون نال منصوبہ پورا تھیا،جون تئیں 1410میگاواٹ بجلی دا منصوبہ پورا کر گھنسوں،جیڑھا جو ملکی لوڑھ دی ویلھے تے تکمیل اچ مدد کریسی،ایں نال نہ صرف مناسب نرخ تے بجلی دی لوڑھ پوری تھیسی جڈانجو سستی اتے ماحولیاتی آلودگی توں پاک بجلی مل سگسی۔اے گالھیں انہاں ہفتہ کوں تربیلا فور توسیعی منصوبہ دے پہلے یونٹ دے افتتاح دے موقع تے تقریب توں خطاب کریندیں ہوئیں آکھی۔انہاں آکھیا جو منصوبہ پورا تھیونڑ نال ملین ٹنز فرنس آئل دی بچت تھیسی،حکومت کوئلے دے منصوبیاں دے نال نال شفاف توانائی منصوبیاں تے وی توجہ ڈیندی پئی اے۔حکومت ایں بارے آپنڑی ذمہ واریاں نبھیندی پئی اے تانجو فضائی آلودگی کوں گھٹ کیتا ونج سگے۔انہاں آکھیا جو اے ہک وڈا منصوبہ اے،ایں بارے عالمی بینک دے مشکور ہیسے،پہلی واری ملک اچ وزارت پانڑی بنڑائی گئی اے تانجو پانڑی دے مسئلے کوں مکایا ونج سگے۔
وزیر اعظم شاہد خاقان عباسی دا تربیلا فور توسیعی منصوبہ دے پہلے یونٹ دے افتتاح دے موقع تے تقریب توں خطاب
مضمون کا ماخذ : لاٹری جیتنے کی ترکیبیں
متعلقہ مضامین
