اسلام آباد ۔ 20 ستمبر (اے پی پی) وزیراعظم دی معاون خصوصی اطلاعات تے نشریات ڈاکٹر فردوس عاشق اعوان آکھیا جو مائیں،بھینڑیں اتے دھیریں دی دعائیں نال او ڈینھ جلدی امسی جڈاں کشمیر توں ظلم مکسی،جبر اتے طاقت دے بھارتی ہتھکنڈے ملیا میٹ تھی ویسن اتے کشمیر آزاد تھیسی،کشمیری عوام خصوصی طور تریمتیں اپنڑے عزم،صبر اتے خون نال کشمیر دی داستان لکھدے پیوں،وزارت اطلاعات اتے اوندے ذیلی اداریاں اتے میڈیا دے مختلف شعبیاں نال جڑی تریمتیں اج پس منظر دے کردار توں نکل کراہیں سڑکاں تے آکراہیں کشمیری تریمتیں کوں اپنڑی حمایت دا یقین ڈواونڑ سانگے جمع ہن،وزیراعظم عمران خان وی اپنڑے دورہ اچ اقوام متحدہ دی جنرل اسمبلی اچ کشمیریاںدی آواز بنڑسن۔اے گالھیں انہاں بھارتی مقبوضہ کشمیر دی عوام نال یکجہتی سانگے وزارت اطلاعات تے نشریات ولوں ریلی توں خطاب کریندیں ہوئیں آکھی۔ وفاقی سیکرٹری اطلاعات زاہدہ پروین، وزیراعظم دی پریس سیکرٹری شاہیرہ شاہد، پرنسپل انفارمیشن آفیسر طاہر خوشنود اتے بئے سینئر افسر ایں موقع تے موجودہن۔ ریلی دا اہتمام پریس انفارمیشن ڈیپارٹمنٹ ولوں کیتا گیا ہئی جئیں اچ وزارت اطلاعات تے نشریات اتے اوندے ذیلی اداریاں اچ کم کرنڑ آلی تریمتیں دے نال نال مرداں وی شرکت کیتی۔
وزیراعظم دی معاون خصوصی اطلاعات تے نشریات ڈاکٹر فردوس عاشق اعوان دا کشمیریاں نال یکجہتی سانگے وزارت اطلاعات تے نشریات ولوں ریلی توں خطاب
مضمون کا ماخذ : لاٹری کے لائیو نتائج
متعلقہ مضامین
