اسلام آباد ۔ 20 دسمبر (اے پی پی) محکمہ موسمیات دے مطابق آندے 24گھنٹے اچ پنجاب تے اتلے سندھ دے میدانی علاقیں اچ ودھ ساری کوہیڑ پوونڑ دا امکان اے جڈاں جو اتلے پنجاب ، شمالی بلوچستان، خیبر پختونخوا، گلگت بلتستان اتے کشمیر دیاں کجھ جہیں تے موسم جھڑ آلا رہنڑ دے نال نال کجھ جہیں تے ہلکا مینھ وسسی تے برف باری دا وی امکان اے تاں جو ملک دیاں بیاں جہیں تے موسم ٹھڈا تے رکھا اتلے علاقیں اچ ودھ سارا ٹھڈا رہسی ۔ رپورٹ دے مطابق گزریل 24 گھنٹے اچ ملک دیاں بہوں ساریاں جہیں تے موسم رکھا تے ٹھڈ تے رہیا جڈاں جو اتلے علاقیں اچ ودھ سارا پالا پیا ایندے علاوہ کوئٹہ، نوکنڈی، دالبندین، فیصل آباد،جھنگ، سرگودھا، جیکب آباد اتے گلگت بلتستان اچ کجھ جہیں تے مینھ وسیا ۔ کوئٹہ اچ 6 ملی میٹر مینھ وسیا جڈاں جو فیصل آباد، جھنگ اتے گوپس اچ ہک ملی میٹر مینھ وسیا ۔ جمعے کوں ریکارڈ کیتے گے گھٹ توں گھٹ درججہ حرارت دی رپورٹ دے مطابق سکردو ،گوپس، بگروٹ اچ درجہ حرارت منفی 8 ڈگری سینٹی گریڈ، استور، کالام، ہنزہ منفی 6، پاراچنار منفی4، مالم جبہ منفی 3، گلگت، راولاکوٹ اتے دیر اچ منفی 2 ڈگری سینٹی گریڈ ریکارڈ کیتا گیا ۔
آندے 24گھنٹے پنجاب تے اتلے سندھ دے میدانی علاقیں اچ کوہیڑ پوونڑ دا امکان ، محکمہ موسمیات
مضمون کا ماخذ : آن لائن اور ایپلیکیشنز
متعلقہ مضامین
