وزیراعظم عمران خان دی زیر صدارت انضمام شدہ علاقیں اچ ترقیاتی منصوبیں دی رفتار بارے جائزہ اجلاس

وفاقی حکومت انضمام شدہ علاقیں اچ ترقیاتی منصوبیں تے عمل درآمد کوں مزید تکھا کرنڑ کیتے فنڈز دی وختی فراہمی کیتے پرعزم اے ، وزیر اعظم عمران خان
اسلام آباد ۔ 13 جنوری (اے پی پی) وزیر اعظم عمران خان آکھیے جو وفاقی حکومت انضمام شدہ علاقیں اچ ترقیاتی منصوبی تے عمل درآمد کوں مزید تکھا کرنڑ کیتے فنڈز دی وختی فراہمی کیتے پرعزم اے ، انضمام شدہ علاقیں دی تعمیر تے ترقی تے انہاں کوں ملک دے بئے حصیں دے برابر گھن آونڑ حکومت دی ترجیح اے ، کجھ باہرلے عناصر انہاں علاقیں اچ انتشار کھنڈاونڑ دی کوشش کریندے پن ،عوام نال رل تے انہاں عناصر دیاں سازشاں کوں ناکام بنڑاونڑاں اے ۔سنوار کوں وزیراعظم میڈیا آفس توں جاری بیان دے مطابق اے گال انہاں خیبر پختونخوا اچ توانائی، ہائر ایجوکیشن، صحت، ترقیاتی منصوبیں متعلق معاملات اتے خصوصاً انضمام شدہ علاقیں اچ ترقیاتی منصوبیں دی رفتار دے جائزہ ا جلاس دی صدارت کریندے ہوئیں آکھی اے ۔ اجلاس اچ وزیرتوانائی عمر ایوب، وزیرِ اعلیٰ خیبرپختونخوا محمود خان، معاون خصوصی ندیم بابر، صوبائی وزیرِ خزانہ خیبر پختونخوا تیمور سلیم خان جھگڑا، وفاقی سیکرٹری خزانہ، سیکرٹری منصوبہ بندی، چیف سیکرٹری خیبر پختونخوا، چئیرمین ہائر ایجوکیشن کمیشن طارق بنوری تے بئے سینئر افسراں شرکت کیتی ۔ اجلاس اچ انضمام شدہ علاقیں اچ ترقیاتی منصوبیں تے عمل درآمد تے ہنڑ تئیں دی پیشرفت دا جائزہ گھدا گیا ۔ اجلاس اچ وزیرِ اعظم کوں ڈسایا گیا جو انضمام شدہ علاقیں اچ ترقی دے منصوبیں دی ا تعطل پیش رفت کوں یقینی بنڑاونڑ کیتے وزارتِ خزانہ توں مطلوبہ فنڈز دی فراہمی کوں یقینی بنڑایا گے ۔ وفاقی حکومت انضمام شدہ علاقیں اچ ترقی دے منصوبیں تے عمل درآمد کوں مزید تکھا کرنڑ کیتے فنڈز دی وختی فراہمی کیتے پرعزم اے ۔ انضمام شدہ علاقیں دی عوام کوں بجلی دی بلاتعطل فراہمی دے ضمن اچ کیتیاں ونجنڑ آلیاں کوششاں دے حوالے نال وزیراعظم کوں ڈسایا گیا جو انہاں علاقیں اچ ٹرانسمیشن دے کمزور انفراسٹرکچر کوں مضبوط کرنڑ دے حوالے نال وزارتِ توانائی خصوصی توجہ ڈیندی پئی اے ۔ وزیراعظم اجلاس نال خطاب کریندے ہوئیں آکھیا جو انضمام شدہ علاقیں دی عوام بہوں باشعور اے ۔ انہاں آکھیا انہاں علاقیں دی ترقی تے ملک دے بئے حصیں دے برابر گھن آونڑ حکومت دی ترجیح اے ۔ وزیرِ اعظم آکھیا جو حکومت کوں ایندا مکمل ادراک اے کجھ باہرلے عناصر اتھاں انتشار کھنڈاونڑ دی کوشش کریندے پن ۔انہاں آکھیا اساں عوام نال رل تے انہاں دیاں سازشاں کوں ناکام بنڑاونڑاں اے ۔ایں کیتے ضروری اے جو ترقی دے منصوبیں تے مسئلیں دے حل دے سلسلے اچ کیتیاں ونجنڑ آلیاں کوششاں نال انضمام شدہ علاقیں دی عوام کوں باخبر رکھیا ونجے تے ایں پورے عمل اچ ہرطرح شریک بنڑایا ونجے ۔