اسلام آباد۔22 فروری(اے پی پی) وزیراعظم شهباز شریف امر كړے چې د اسلام آباد كلي والو سيمو وګړو ته دې غوره آسانۍ وركړې شي٬ په اسلام آباد كښې په روانو پرمختيائي منصوبو دې 24 ساعته كار او د هرې منصوبې تھرډ پارټي وېلیډېشن باوري كړے شي ، په اسلام آباد كښې د سالډ وېسټ مېنېجمنټ كوټلي نظام معارفي كولو په اړه دې سي ډي اے خپل رپورټ وړاندې كړي ، په اسلام آباد كښې د پاركنګ مسئله بايد زر تر زره حل كړې شي۔ د وزیراعظم آفس میډیا ونګ لخوا د جاري شوي بيان له مخې د وزيراعظم شهباز شريف په مشرۍ كښې په اسلام آباد كښې د روانو پرمختيائي پروژو جاج اغستو غونډه وشوه۔ په غونډه كښی وزيراعظم د اسلام آباد كلي والو سيمو پرمختګ او انفراسټركچر سره اړوند تفصيلات وغوښتل۔ وزیراعظم سمندر پورې پاكستانيانو لپاره د سي ډي اے منصوبې په تندۍ سره د بشپړولو هدايت كښې ووئيل سمندر پورې پاكستانيانو لپاره دې روانې منصوبې د نړيوال معيار له مخې ترسره كړې شي۔ دوي ته دې پاكستان كښی سرمايه كارۍ لپاره هر ډول آسانۍ وركړې شي۔ دغسې وزیراعظم په اسلام آباد كښې په پرمختيائي منصوبو د كار رفتار تندولو او اولسي منصوبې په ترجيحي بنيادونو بشپړولو له يوه جائزه كمېټي هم جوړه كړه۔ وزيراعظم ته ووئيل شول د اسلام آباد د كلي والو سيمو پرمختګ له سي ډي اے د 10 اربه روپو رقم بېل كړے۔ دغسې وزيراعظم د بهاره كهو بائي پاس زر تر زره بشپړولو هدايت هم وكړو۔ غونډې ته ووئيل شول د سيونتھ ايونيو انټر چېنج او مارګله ايونيو منصوبې بشپړې شوي٬ د آئي جی پی روډ پراختيا منصوبه به د مارچ تر 23 مې نېټې بشپړه كړې شي۔ دغسې د الېونتھ ایونیو او اسلام آباد اېکسپرېس وے فېز ون به د روان كال تر جون مياشتې او د بليو اېريا پاركنګ پلازه او د اېكسپرېس وے فېز ټو به د روان كال تر پايې ترسره كړے شي۔ غونډې ته ووئيل شول د سي ډي اے لخوا د نړيوال معيار يو نېشنل بس ټرمينل او 3 سېتلائټ ټرمينل به جوړولې شي په كومو كښې به چې نجي څانګې سرمايه كاري كولې شي۔ دې سره سره په 90 ورځو كښې به د بسونو 13 فیډر روټس پېل كړے شي۔ د اسلام آباد پبلك ټرانسپورټ سسټم د لارې هره ورځ نزدې دوه لكه وګړي د معياري سفر آسانيو څخه استفاده كوي۔ دغسې وزيراعظم په اسلام آباد كښی د پاركنګ مسئلو حل لپاره د سي ډي اے اقدامات څخه هم خبر كړے شو۔ دې سره سره سی ډی اے په اېف اېټ، اېف ټېن، جی نائن، آئی اېټ او بلیو ایریا كښې پاركنګ پلازې جوړوي۔ د سي ډي اے چيئرمېن د سمندر پورې پاكستانيانو لپاره د استوګنې په منصوبو هم بشپړ بريفنګ وركړو۔ وزیراعظم هدايت وكړو چې دا منصوبې دې د نړيوال معيار له مخې بشپړې كړې شي۔ ده ووئيل سمندر پورې پاكستانيان زمونږ قيمتي اثاثه ده٬ د منصوبو په لاره كښې به هېڅ قسم خنډ يا ځنډ ونه زغملے شي۔ په غونډه كښې وفاقي وزيرانو اسحاق ډار ٬ رانا ثناﺀ الله ٬ د وزيراعظم سلاكار احد چيمه ٬ خاص مرستيال طارق باجوه ٬ پخواني وفاقي وزير طارق فضل چوهدري ٬ د قامي اسمبلۍ پخوانو غړو حنيف عباسي ٬ انجم عقيل او نورو اړوندو چارواكو ګډون كولو
د اسلام آباد كلي والو سيمو له دې غوره آسانۍ وركړې شي٬ په روانو پرمختيائي منصوبو دې 24 ساعته كار باوري كړے شي٬ وزيراعظم شهباز شريف
مضمون کا ماخذ : اولمپس کا عروج
متعلقہ مضامین
