ڈیووس ۔ 25 جنوری (اے پی پی) وزیراعظم شاہد خاقان عباسی نال مشہورکاروباری گروپ”ویون ” جو پاکستان اچ ٹیلی کام خدمات فراہم کرنڑ آلی ممتاز کمپنی “جاز” دے ناں نال فعال ہے، دے چیف ایگزیکٹو آفیسر جین یس چارلیئر عالمی اقتصادی فورم دے موقع تے خمیس کوں ملاقات کیتی ۔ وزیرمملکت انفارمیشن ٹیکنالوجی انوشہ رحمن، وزیر اعظم دے معاون خصوصی علی جہانگیر صدیقی اتے سینئر حکام وی ایں موقع تے موجود ہن۔ وزیر اعظم ولوںپاکستان اچ ویون گروپ دی سرمایہ کاری، کارکردگی اتے کارپوریٹ سماجی ذمہ داری دیاں سرگرمیاں، قدرتی آفات دے دوران امدادی کاروائیاں دی تعریف کیتی گئی۔ انہاں ویون گروپ ولوں افرادی قوت دی تربیت اچ گروپ دی سرمایہ کاری دی تعریف کریندے ہوئیں ودھ سارے پاکستانیاں کوں ترقی پسند ماحول اچ کم دے مواقع فراہم کرنڑ تے انہاں دا شکریہ ادا کیتا۔ سی ای او ویون پاکستان اچ ویون دیاںسرگرمیاں اچ سہولت ڈیونڑ اتے حکومت دی معاونت تے شکریہ ادا کریندے ہوئیں آکھیا جوڈیجیٹلائزیشن دے حوالے نال پاکستان دی کامیاب مہم تعریف دے قابل قرار ڈتی ۔ انہاں آکھیاجوانہاں دا گروپ موجودہ حکومت دے ڈیجیٹل ویژن دی حمایت کریندے اتے جدت دی حامل حکمت عملی دے ذریعے پاکستان دی معاونت جاری رکھیسی۔ یاد رہوے جو ویون (جاز) پاکستان اچ ٹیلی کام خدمات فراہم کرنڑ آلی سبھ توں وڈی کمپنی ہے اتے ایں کمپنی پاکستان اچ ارباں ڈالر دی سرمایہ کاری کیتی ہوئی ہے۔
وزیراعظم شاہد خاقان عباسی نال ممتاز کاروباری گروپ”ویون “دے چیف ایگزیکٹو آفیسر دی ملاقات
مضمون کا ماخذ : سندھ لاٹری
متعلقہ مضامین
