اسلام آباد ۔ 28 مئی (اے پی پی) وزیراعظم دے مشیربرائے خزانہ، محصولات تے اقتصادی امورڈاکٹرعبدالحفیظ شیخ نال منگل کوں اتھاں زرمبادلہ دا لین دین کرنڑ آلے ڈیلراں دے وفد ملاقات کیتی۔وفد دی قیادت فاریکس ایسوسی ایشن آف پاکستان دے صدر ملک بوستان کر یندے پے ہن۔ صدر ملک بوستان دی قیادت اچ زرمبادلہ دا لین دا کرنڑ آلے ڈیلراں ملک دے زرمبادلہ اچ چنگائی سانگے مختلف اقدامات اتے تجویزاں پیش کیتی ۔ایسوسی ایشن دے نمائندے ڈسیا جو افغانستان اتے ایران کوں ڈالراں دی سمگلنگ ہک بہوں سنجیدہ مسئلہ اے اتے حکومتی ادارےاں کوں غیر ملکی کرنسی دی سمگلنگ اچ ملوث بندیاں دے خلاف سختی نال اقدامات کرنڑے چاہیدن۔وفد ڈسیا جو پاکستان توں باہر ونجنڑ آلے لوک روز 6ملین ڈالر دا زرمبادلہ نال چا ویندن۔مشیر خزانہ وفد کوں یقین ڈوایا جو انہاں دی تجویزاں تے غور کیتا ویسی۔اجلاس اچ سیکرٹری خزانہ نویدکامران بلوچ، گورنر سٹیٹ بینک ڈاکٹر رضا باقر، وزارت خزانہ دے سینےئر افسر اتے فارن ایکسچینج ڈیلرز دے نمائندے شریک تھیے۔
وزیراعظم دے مشیر خزانہ عبدالحفیظ شیخ نال فاریکس ایسوسی ایشن دے وفد دی ملاقات
مضمون کا ماخذ : ماہی گیری کا جنون
متعلقہ مضامین
