سیالکوٹ ۔ 14 جولائی (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان شہباز شریف اتے انہاں ٹبر دی منی لانڈرنگ دے حوالے نال ڈیلی میل دی رپورٹ اتے اپنڑے ولدے اچ آکھیے جو شہباز شریف اینڈ سنز دے کالے دھن اتے منی لانڈرنگ دے بئے شواہد آ گین،اے زلزلہ متاثرین دی برطانوی امداد تے وی ہتھ صاف کر گین اتے مستحقین دا مال وی ڈکار گین،شریف ٹبر پورے جگ اچ پاکستان کوں بد نام کر ڈتے،اے رہبر نئیں راہزن ہن جیندا مقصدملک و قوم کوں لٹنڑ،عوام کوں بیوقوف بنڑاونڑ اتے اپنڑے لٹیے مال کوں بچاونڑ اے بھل پاکستان تحریک انصاف دی قیادت ملک داوقار بحال کرنڑ اچ لگی ہوئی اے۔سیالکوٹ اچ پریس کانفرنس کریندے ہوئے وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو ڈیلی میل دی رپورٹ حیرت انگیز انکشاف کیتن جو کیویں مادادی رقم تے ہتھ صاف کیتن اتے زلزلہ و سیلاب متاثرین دی امدادی رقم لٹ تے برطانیہ منی لانڈرنگ کیتی اے اتے کجھ ہی سالاں اچ اپنڑے اتے ٹبر دے اثاثے اچ ریکارڈ ودھارا کیتے۔انہاںا ٓکھیے جووزیراعظم عمران خان پاکستان دے عوام دے حقوق کیتے کوششاں کریندے پین بھل ہک بیا ٹبر پورے جگ اچ پاکستان کوں بدنام کرنڑداکوئی وی موقع ہتھو نئین ونجنڑ ڈیندا، منی لانڈرنگ اتے کرپشن دا ماہر خاندان برطانیہ کوں وی چونا لاونڑاچ پچھو نئیں رہیا اتے منی لانڈرنف کیتے اپنڑیاں تریمتیں کون وی استعمال کیتے، برطانوی اخبار دی رپورت نال پاکستان دا سر شرم نال جھک گئے اتے روز ڈیہاڑی ثابت تھیندا ویندے جو اے ہک وڈا مافیا اے جیہڑا ملک دیاں جڑاں کوں سیوی آلی کار لگا پئے۔انہاںا ٓکھیے جوشہباز شریف اپنڑی زبان پوری کرن جو انہاں آکھیا ہا جیکر ہک دمڑی کرپشن ثابت تھی ونجے تاں سیاست چھوڑ ڈیساں،اے انکشاف تاں برطانوی اخبار کیتن،ایندا پاکستانی میڈیا یا حکومت نال کوئی جوڑ کائنی۔
شریف ٹبر پورے جگ اچ پاکستان کوں بد نام کر ڈتے،مستحقین دا مال وی ڈکار گین، فردوس عاشق اعوان
مضمون کا ماخذ : سٹاربرسٹ
متعلقہ مضامین
