اسلام آباد ۔ 13 فروری (اے پی پی) سعودی عرب دے ولی عہد شہزادہ محمد بن سلمان وزیراعظم دی دعوت تے 16 فروری توں پاکستان دا ڈو ڈینھ دا دورہ کریسن ۔ شہزادہ محمد بن سلمان وزیراں دی کونسل دے نائب صدر اتے وزیر دفاع سمیت سلطنت دے کئی اہم عہدیں تے فائز ہن۔ انہاں دے رلے سعودی شاہی خاندان دے ارکان، کلیدی وزیراں تے ممتاز کاروباری شخصیات سمیت اعلیٰ اختیاراتی وفد وی ہوسی۔ ترجمان دفتر خارجہ ولوں بدھ کوں جاری بیان دے مطابق اپریل 2017ءاچ ولی عہد دے منصب تے فائز ہوونڑ دے بعد اے شہزادہ محمد بن سلمان دا پاکستان دا ریاستی سطح دا پہلا دورہ ہوسی ۔ 16 اتے 17 فروری کوں اپنڑے دورے دے دوران او صدر مملکت نال ملاقات کریسن ۔ سعودی ولی عہد وزیراعظم عمران خان اتے چیف آف آرمی سٹاف جنرل قمر جاوید باجوہ نال وی ملاقات کریسن ۔ پاکستان دی سینیٹ دا ہک وفد وی ولی عہد نال ملاقات کریسی جیں اچ ڈوہیں ملکاں وچال پارلیمانی تعاون دے ودھارے دے طریقیں تے گال مہاڑ تھیسی ۔ سعودی ولی عہد دے رلے وزیر وی اپنڑے شعبیں اچ ڈوپاسے تعاون تے گال مہاڑ کیتے اپنڑیں پاکستانی ہم منصباں نال ملاقات کریسن ۔ دورے دے موقع تے ڈوہیں ملکاں دی کاروباری شخصیات نجی شعبے اچ اشتراک کار دے موقع تے گال مہاڑ کیتے ملاقات کریسن ۔ دورے دے دوران پاکستان اتے سعودی عرب سرمایہ کاری، خزانہ، بجلی، قابل تجدید توانائی، داخلی سلامتی، میڈیا، ثقافت اتے کھیڈاں سمیت مختلف شعبیں متعلق کئی معاہدیں تے مفاہمت دیاں یادداشتاں تے دستخط وی کریسن ۔ڈوہیں ملکاں دے تعاون دے ٹھوس شعبہ جات تے وختی پیشرفت تے موثر عمل درآمد کوں یقینی بنڑاونڑ کیتے مضبوط پیروی نظام وضع کرنڑدے طریقیں تے وی گال مہاڑ کریسن۔ بیان اچ آکھیا گئے جو سعودی ولی عہد محمد بن سلمان دے دورے نال تعاون دے سارے شعبہ جات اچ ڈوہیں ملکاں وچال سانجھے تعلقات اچ وادھا متوقع اے ۔
سعودی عرب دے ولی عہد شہزادہ محمد بن سلمان وزیراعظم دی دعوت تے 16 فروری توں پاکستان دا ڈو ڈینھ دا دورہ کریسن ، ترجمان دفتر خارجہ دا بیان
مضمون کا ماخذ : امکان ہے کہ میگا سینا
متعلقہ مضامین
