اسلام آباد ۔ 26 فروری (اے پی پی) وفاقی وزیر مواصلات مراد سعید آکھیے جو لائن آف کنٹرول دی خلاف ورزی نال بھارت دا اصل چہرہ جگ دے اگو بے نقاب تھی گئے،پاکستان دے عوام ملک دے دفاع کیتے پاک فوج دے نال کھڑن۔ پارلیمنٹ ہاﺅس دے باہرو میڈیانال الویندے ہوئیں انہاں آکھیا جو بھارت کہیں غلط فہمی اچ نہ راہوے،جیکر ولا لائن آف کنٹرول دی خلاف ورزی کیتی گئی تاں انہاں کوں منہ بھن جواب ڈتا ویسی،پاک فوج جگ دی بہترین فوج اے،پاکستانی قوم،میڈیا اتے اپوزیشن ملک دے تحفظ و دفاع کیتے ہک مٹھ اے۔ انہاں آکھیے جو مودی انتخاب اچ ہرنڑ توں بعدچ پاگل تھی گئے، عالمی برادری کوں بھارت دے جنگی جنون اتے مقبوضہ کشمیر اچ مظالم دا نوٹس گھنڑا چاہیدے۔
مضمون کا ماخذ : پاور بال کے نتائج
