اسلام آباد۔22اکتوبر(اے پی پی)وزیراعظم محمد شہبا?? شریف آکھیے جو 26 ویں آئینی ترمیم دے بل دی پارلیمنٹ توں ݙو ترہائی اکثریت نال منظوری پا??ستان دے معاشی و سیاسی استحکام اتے عوام دی فلاح وبہبود ??یتے سنگ میل ہوسی، ایندے نال عام لوکاں کوں انصاف سوکھیں ملسی۔ وفاقی کابینہ دے اجلاس نال خطاب کریندے انہاں آکھیا جو عام آدمی دے قانونی معاملات عدالتاں اچ سالہا سال رلدے رہندن، جیندے کولو وسائل اتے رسائی نا ہووے اوکوں سوکھیں انصاف نئیں ملدا، ایندے حل کیتے اے آئینی ترمیم اہم ثابت تھیسی، عام لوکاں کوں انصاف اتے مسلیاں دے حل اچ سوکھ تھیسی۔ وزیراعظم آکھیا جو 2006ء اچ لندن اچ میثاق جمہوریت تے شہید محترمہ بے نظیر بھٹو اتے میاں محمد نوا?? شریف دستخط کیتے ہن، اے اوں ویژن دی تکمیل اے، ایں سانڳے سارے سیاسی فریقین اتے پارلیمان دی نمائندہ سیاسی قیادت نال صلاح مشورہ تھئے، حکومت اتے اپوزیشن ݙوہیں ایندے اچ ہتھ ونݙائے۔ وزیراعظم، صدر مملکت آصف علی زرداری، پی پی پی دے چیئرمین بلاول بھٹو زرداری ، مسلم لیگ ن دے قائد میاں محمد نوازشریف اتے سارے سیاسی قائدین دا شکریہ ادا کیتے ڄئیں ایندے اچ ہتھ ونݙائے۔ انہاں آکھیا جو جمعیت علمائے اسلام (ف) دے سربراہ مولانا فضل الرحمن نال کئی ملاقاتاں تھئین، میݙے ساتھیاں، نائب وزیراعظم محمد اسحاق ڈار، وزیر قانون اعظم نذیر تارڑ، رانا ثناءاللہ خان سودھا سارے ایں مشاورت اچ نال ہن، حکومت دیاں اتحادی جماعتاں، ایم کیو ایم دی قیادت، نیشنل پارٹی، اے این پی، بلوچستان عوامی پارٹی سودھا سارے زعما نال صلاح تھئی اے، آئینی ترمیم اچ نال تھیوݨ آلی ساری قیادت اتے پارلیمان دے آزاد اراکین دا وی مشکور ہاں، جیندی مدد نال سینیٹ اچ ترمیمی بل 65 ووٹاں دی اکثریت اتے قومی اسمبلی اچ 225 ووٹاں نال منظور تھئے۔ انہاں شنگھائی تعاون تنظیم (ایس سی او) دے سربراہی اجلاس دی کامیابی تے کابینہ کوں مبارک ݙیندے آکھیے جو ایس سی او کانفرنس پا??ستان کیتے وݙی کامیاب رہی اے، ڄڳ اچ ایندے نال پا??ستان دا مثبت تاثر ابھریے، اللہ تعالیٰ پا??ستان دا ماݨ ودھائے، کانفرنس کراوݨ کیتے سیکیورٹی سودھا کئی چیلنج ہن ٻھل وزارت خارجہ، سیکورٹی نافذ کرݨ آلے اداریاں، وزارت اطلاعات اتے انہاں دی ٹیماں ݙینھ رات محنت کر تے کانفرنس پر امن طریقے نال کامیاب کرائی اے۔ انہاں آکھیا جو ایں توں پہ??ے 2013 اچ آنجہانی چینی وزیراعظم پا??ستان آئے ہن اتے ہݨ 11 سال بعد چین دے اڄوکے وزیراعظم لی چیانگ پا??ستان پڄین اتے اے دورہ کامیاب رہے جیندے نال پا?? چین سنڳت ٻئی تکڑی تھیسی۔ ایویں ہی ٻئے ملکاں دی قیادت وی کانفرنس اچ آئی اتے کانفرنس دا جامع مشاورت دے بعد اعلامیہ جاری تھئے۔ کانفرنس دے مہماناں وفاقی دارالحکومت دی خوبصورتی اتے سجاوٹ دی تعریف کیتی جیندے تے چیئرمین سی ڈ ی اے دا کردار اہم رہے۔ انہاں وفاقی وزیر برائے اقتصادی امور احد چیمہ، سیکرٹری اسد گیلانی، وزیراعظم آفس دے حکام اتے ٹیم دا شکریہ ادا کریندے امید کیتی جو پا??ستان دی معاشی ترقی اچ استحکام آندا پئے، ساݙیاں کوششاں نال پا??ستان تیزی نال ترقی کریسی، مہنگائی دی شرح 6.9 فیصد تئیں ڳھٹ ڳئی اے، پالیسی ریٹ وی ڳھٹیے۔ فلسطین اتے لبنان بارے انہاں آکھیا جو غزہ اتے فلسطین اچ ظلم و ستم جاری اے، ٻالاں، تریمتیں کوں شہید کیتا ویندا پئے، اسرائیلی مظالم مسلسل ودھدے پئن اتے کمی آندی نئیں ݙسدی، اقوام متحدہ دی سلامتی کونسل دی قرار داداں تے وی عمل نئیں تھیندا پیا، ہیگ دی عالمی عدالت دے فیصلہ کوں وی گند دی توکری اچ سٹ ݙتا ڳئے، تاریخ اچ اینڄھے واقعات پہلے کݙاھیں نئیں تھئے، اساں اللہ توں دعا گو ہیں جو فلسطین اتے لبنان اچ جنگ بندی تھیوے، بے گناہ مسلماناں دا قتل عام بند تھیوے اتے اے خون دی ہولی مکے۔ انہاں آکھیا جو پا??ستان غزہ اتے لبنان کیتے امدادی تعاون کریندا پئے، ودھ جامع پروگرام نال غزہ اتے لبنان دے بھراواں کوں ودھ امدادی سامان پچیسوں۔ انہاں آکھیا جو نائب وزیراعظم، دفتر خارجہ سودھا این ڈی ایم اے سارے رل تے پوری کوشش اچ ہیں، عوام اتے مخیر حضرات رل تے غزہ اتے لبنان دے ٻھیݨ ٻھراواں دا ہتھ ونݙاوݨ کیتے امدادی سامان ٻھڄواوݨ سانڳے حکومت دے نال تھیون اتے وزیراعظم ریلیف فنڈ اچ عطیات جمع کرائے ونڄن۔
6 ویں آئینی ترمیم ملکی معاشی و سیاسی استحکام، عوام دی بہتری کیتے ہک سنگ میل اے، وزیراعظم شہبازشریف
مضمون کا ماخذ : sorteios quina
متعلقہ مضامین
