اسلام آباد ۔ 27 فروری (اے پی پی) کشمالہ طارق مقام کار تے تریمتیں کوں ہراساں کرنڑ دی روک تھام دے محتسب دا حلف چا گھدا ۔ صدر مملکت ممنون حسین کشمالہ طارق توں انہاں دے عہدے دا حلف گھدا ۔ بعد اچ صدر مملکت ممنون حسین نال کشمالہ طارق ملاقات کیتی۔ صدر مملکت مقام کار تے تریمتیں کوں ہراساں کرنڑ دی روک تھام دے محتسب دی ذمے واری سانبھنڑ تے مبارخ ڈتی تے ایں امید دا اظہار کیتا جو او چنگے تے فعال انداز اچ اپنڑیاں ذمے واریاں پوریاں کریسن ۔کشمالہ طارق مقام کار تے تریمتیں کوں ہراساں کرنڑ دی روک تھام دے محتسب مقرر کرنڑ تے صدر مملکت دا شکریہ ادا کیتا۔ حلف برداری دی تقریب اچ سینئر سرکاری افسراں تے مختلف شعبہ زندگی نال تعلق رکھنڑ آلی ممتاز شخصیات شرکت کیتی ۔
مضمون کا ماخذ : لیپریچون کی خوش قسمتی۔
