اسلام آباد ۔ 3 ستمبر (اے پی پی) پاک بحریہ کیتے بنڑائے ونجنڑ آلے ڈوجھے 2300 ٹن وزنی جنگی جہاز (کارویٹ) دی رومانیہ اچ منگل کوں لانچنگ تھئی، تقریب دے مہمان خصوصی پاک بحریہ دے چیف آف سٹاف ( پرسنل) وائس ایڈمرل اطہر مختار ہن ۔ ترجمان پاک بحریہ دے مطابق کارویٹ جدید ٹیکنالوجی نال آراستہ درمیانے سائز اتے وزن دے جہاز ہن جیرھے جو سکیورٹی پٹرول سمیت مختلف آپریشنز کیتے استعمال تھیندن ۔ وائس ایڈمرل اطہر مختار آکھیے جو انہاں جہازاں دی شمولیت نال پاک بحریہ دے ملکی بحری سرحداں دے دفاع اتے جنگی صلاحیتاں مزید ودھ ویسن۔ مہمان خصوصی جہازاں دی تیاری اچ ڈامن شپ یارڈ (رومانیہ) دے تعاون اتے پیشہ ورانہ صلاحیتاں دی تعریف کیتی۔
مضمون کا ماخذ : prêmios dupla sena
