اسلام آباد ۔ 9 مئی (اے پی پی) پاکستان ایران دی مسلح افواج دے چیف آف سٹاف دی سرحد پار کارروائی بارے حالیہ بیان اُتے شدید تحفظات دا اظہار کریندے ہوئیں آکھے جو ایں طرح دے بیان ڈوہائیں بھرا ملکاں دے گانڈھے دے خلاف ہن ۔ پاکستان اچ تعینات ایران دے سفیر مہدی ہنر دوست کوں منگل کوں دفتر خارجہ سڈ تے انہاں کوں ایرانی مسلح افواج دے چیف آف سٹاف دے سرحد پار کارروائی بارے بیان اُتے پاکستان دے تحفظات بارے ڈسایا گیا۔ دفتر خارجہ دے ترجمان دے مطابق ایرانی سفیر کوں ڈسایا گیا جو ایں طرح دے بیان ڈوہائیں بھرا ملکاں دے گانڈھے دے خلاف ہن ۔ ترجمان آکھیا جو حال ہی اچ ڈوہائیں پاسوں اعلیٰ سطح اُتے تبادلیاں نال ڈو طرفہ تعاون مستحکم تھئے اتے ایں مہینے ایران دے وزیر خارجہ جاوید ظریف دے دورہ اسلام آباد دے دوران ڈوہائیں ملکاں سرحد دے معاملے اُتے تعاون ودھاونڑ تے اتفاق کیتا ہئی ۔ ایران اُتے زورڈتاگیا جو ایں طرح دے بیان توں گریذ کرنڑاں چاہیدے ۔
پاکستان دا ایرانی فوج دے سربراہ دے سرحد پار کارروائی بارے حالیہ بیان اُتے شدید تحفظات دا اظہار
مضمون کا ماخذ : سائٹس de loteria confiáveis
متعلقہ مضامین
