اسلام آباد ۔ 11اپریل (اے پی پی) قومی اسمبلی دیاں قائمہ کمیٹیاں، پبلک اکاونٹس کمیٹی، پارلیمانی اتے خصوصی کمیٹیاں فعال کرنڑ دا فیصلہ کیتا گئے ۔ ترجمان قومی اسمبلی دے مطابق اسپیکر قومی اسمبلی اسد قیصر قومی اسمبلی دیاں کمیٹیاں دے اجلاس ویڈیو لنک دے ذریعے آن لائن منعقد کراونڑ دی ہدایت کیتی اے ۔اسپیکر اسد قیصر قومی اسمبلی دے شعبہ آئی ٹی کوں ضروری انتظامات کرنڑ دا ٹاسک ڈتے ۔انہاں انتطامات دے ذریعے قومی اسمبلی دے کمیٹی رومز نال ویڈیو لنک دے ذریعے قائمہ کمیٹیاں دے اجلاساں دا انعقاد ممکن تھی ویسی ۔ قائمہ کمیٹیاں دے آن لائن اجلاساں دے انعقاد نال پارلیمانی نظام کار کوں جاری رکھنڑ اچ مدد مل ویسی ۔ اسپیکر قومی اسمبلی ویڈیو لنک دے ذریعے کمیٹیاں دے اجلاس سڈنڑ دا فیصلہ کورونا دے پیش نظر کیتا گئے ۔
مضمون کا ماخذ : اسلام آباد لاٹری
