توانائی بحران دے خاتمے دا ابتدائی مرحلہ پورا تھیونڑ آلا ہے ،اگلے مرحلے اچ نظام تے ایندی چنگائی سانگے اقدامات کیتے ویسن ،
اسلام آباد ۔ 17 اکتوبر (اے پی پی) ڈپٹی چیئرمین پلاننگ کمیشن سرتاج عزیزآکھیا ہے جو جدےد ٹیکنالوجی دی مدد نال بجلی اتے توانائی دیاں ضرورتاں دا درست اندازہ لاونڑ اچ مدد ملدی پئی ہے ، بجلی اتے توانائی دی ترسیل اتے ونڈ دے نظام کوں جدید بنڑاونڑ اساڈی پہلی ترجیح ہے ۔ حکومت مربوط توانائی دے نظام تے توجہ ڈیندی پئی ہے۔ انہاں دا مزید آکھنڑ ہئی جو توانائی دے شعبے دی حوصلہ افزائی کیتی ویندی پئی ہے ۔ بارہویں پنج سالہ ترقیاتی منصوبے تے کم دا آغاز تھی گیا ہے، بارہویں پنج سالہ منصوبے اچ بجلی اتے توانائی دے نظام تے انفراسٹرکچر کو ںجدید بنڑاونڑ اچ اہم اقدامات دا تعین کیتا ویندا پیا ہے ۔سرتاج عزیز آکھیا جو توانائی دا بحران دے خاتمے دا ابتدائی مرحلہ پورا تھیونڑ کوں ہے ،اگلے مرحلے اچ نظام تے ایندی چنگائی سانگے اقدا مات کیتے ویسن ۔ او سی ڈی ڈبلیو پی دے اجلاس توں خطاب کریندے پے ہن ۔اجلاس اچ 53.6ارب روپے دی لاگت دے چووی منصوبے منظور تے جڈاں جو اجلاس اچ 27.1ارب روپے دی لاگت دے ترائے منصوبے ایکنک کوں چھیکڑی منظوری سانگے بھجوا ڈتا گیا ہے ۔
سرتاج عزیز دا سی ڈی ڈبلیو دے اجلاس توں خطاب
مضمون کا ماخذ : resultados loteria São Paulo
متعلقہ مضامین
