اسلام آباد ۔ 05 جولائی (اے پی پی) وزیراعظم عمران خان نا ل جمعہ کوں ایرانی وزیر صنعت، کان کنی اتے تجارت رضا رحمانی اتھاں وزیراعظم آفس ا چ ملاقات کیتی ۔ نائب وزیر زراعت یزدان سیف، رکن پارلیمنٹ رمضان علی سبحانی، چیئرمین آئی سی سی آئی ایم اے سستان تے بلوچستان صوبہ عبداﷲ ریگی میر جاوا اتے پاکستان ا چ ایران دے سفیر مہدی ہنر دوست وی انہاں دے کٹھے ہن ۔ وزیر بحری امور سید علی حیدر زیدی، مشیر تجارت عبدالرزاق داﺅد، چیئرمین سرمایہ کاری بورڈ زبیر گیلانی، سیکریٹری تجارت احمد نواز سکھیرا وی ملاقات اچ موجود ہن ۔ایں موقع تے وزیراعظم عوامی سطح تے تبادلیاں اتے تجارت سمیت مختلف شعبیں اچ پاک ایران تعلقات کو ںودھانڑ دے عزم دا اعادہ کریندے ہوئیں آکھیا جو ڈوہائیں ملکاں وچال تجارت اتے اقتصادی رابطے ودھاونڑ دے ڈھگ سارے مواقع موجود ہن۔ایں موقع تے پاک ایران تعلقات، ڈوہائیں ملکاں وچال تجارتی مواقع توں چنگے فائدے گھنڑ دے حوالے نال تھیونڑ آلی پیشرفت بارے گالھ مہاڑ کیتی گئی۔ وزیراعظم ایرانی وفد دا خیرمقدم کریندے ہوئیں آکھیا جوڈوہائیں ملکاں وچال جغرافیائی یاری اتے بھرپی آلے تعلقات دیاںجڑاں سانجھی تریخ، ثقافت اتے مذہب نال جڑیاں ہوئیں ہن۔ وزیراعظم آکھیا جو ڈوہائیں ملکاں کوں سمگلنگ دے مسئلے کوں حل کرنڑ اتے خاص کر پاک ایران سرحد تے رہائشی لوکیں کوں ودھ توں ودھ کاروباری مواقع ڈیونڑ سانگے چنگے اقدامات کرنڑ دی ضرورت ہے۔ ایرانی وزیر وزیراعظم عمران خان کوں ایرانی قیادت دے خیرسگالی دے جذبات بارے ڈسایا۔
پاکستان اتے ایران وچال تجارتی اتے اقتصادی تعاون ودھاونڑ سانگے ودھ ساری گنجائش موجود ہے,وزیراعظم عمران خان دی ایرانی وزیر صنعت، کان کنی اتے تجارت رضا رحمانی نال گالھ مہاڑ
مضمون کا ماخذ : نتیجہ ڈوپلا سینا
متعلقہ مضامین
