اسلام آباد ۔ 30 دسمبر (اے پی پی) قومی احتساب بیورو(نیب) دے چیئرمین جسٹس(ر) جاوید اقبال آکھیے جو نیب گزریل ڈو سال اچ بدعنوان عناصر توں لٹیے گے 178ارب روپے وصول کرتے قومی خزانے اچ جمع کراڈتن ، منی لانڈرنگ کرنڑآلیں دے خلاف پکے ثبوت ہن ، اے گال انہاں نیب ہیڈکوارٹرز اچ نیب اہلکاراں اچ شاندار کارکردگی تے میرٹ سرٹیفکیٹس ونڈنڑ دی تقریب نال خطاب کریندے ہوئیں آکھی اے ، انہاں آکھیے جو ایں تقریب دا مقصد بہترین کاکردگی ڈکھالنڑ آلے نیب افسراں تے اہلکاراں دی حوصلہ افزائی کرنڑ اے ۔ نیب ہر شعبے اچ میرٹ تے عمل کریندی پئی اے تے اے سرٹیفکیٹس میرٹ تے ڈتے ویندے پن۔ نیب دے سارے افسران تے اہلکاراں ادارے دی مجموعی کارکردگی اچ اہم کردار ادا کیتے ، قوم دی ملک توں بدعنوانی مکاونڑ کیتے امنگاں تے پورا لہنڑ کیتے اپنڑیاں کوششاں کوں دوگنا کریسوں ۔ جسٹس(ر) جاوید اقبال آکھیے جو چیئرمین نیب دا عہدہ سنبھالنڑ دے بعد نیب کوں فعال ادارہ بنڑاونڑ کیتے ہرممکن اقدامات کیتن ۔چیئرمین نیب آکھیے جو سفارش، تڑی تے نیب دے باہروں مک ویندے ، انہاں آکھیے نیب ہمیشہ فیس کائناں کیس ڈیکھدے ، کوئی چاہے جتنا وی طاقت ور کیوں نہ ہووے جیرھا کریسی او بھریسی ۔ جسٹس جاوید اقبال آکھیے جو پلڈاٹ، ایمنسٹی انٹرنیشنل اتے ورلڈ اکنامک فورم جیہوجے اداریں نیب کاکردگی دی تعریف کیتی اے ، انہاں آکھیے جو بدعنوانی مکاونڑ تے میگا کرپشن مقدمیں کوں توڑ پجاونڑ نیب دی پہلی ترجیح اے ۔ جسٹس(ر) جاوید اقبال آکھیے جو نیب دا تعلق کہیں گروہ، فرد، گروپ یا سیاسی جماعت توں نی بلکہ صرف تے صرف پاکستان توں اے ۔
منی لانڈرنگ کرنڑ آلیں دے خلاف پکے ثبوت ہن، نیب گزریل ڈو سال لٹیے گے 178ارب روپے وصول کر تے قومی خزانے اچ جمع کرائن ، چیئرمین نیب جسٹس(ر) جاوید اقبال
مضمون کا ماخذ : loteria آن لائن confiável
متعلقہ مضامین
