وزیرخارجہ مخدوم شاہ محمود قریشی ترکی اچ ،نیویارک روانگی توں پہلے فلسطینی ہم منصب ڈاکٹر ریاض المالکی دے نال ملاقات کیتی

APP38-1905-21 ANKARA: May 19 - Foreign Minister Makhdoom Shah Mahmood Qureshi held a bilateral meeting with Foreign Minister of Palestine, Riad Al Maliki at airport before their joint departure to New York. APP

انقرہ۔19مئی (اے پی پی):وزیر خارجہ مخدوم شاہ محمود قریشی ٻدھ کوں ترکی اچ ،نیویارک روانگی توں پہلے فلسطینی ہم منصب ڈاکٹر ریاض المالکی دے نال ملاقات کیتی۔دفتر خارجہ دے مطابق ڳالھ مہاڑ دے دوران فلسطین دی موجودہ صورتحال تے ڳالھ مہاڑ کیتی ۔وزیر خارجہ اسرائیلی فوج دی جارحیت, مسجد اقصٰی تے حملیں تے فلسطینیاں دی جبراً بے دخلی دی شدید مذمت کریندے ہوئیں ، معصوم فلسطینیاں بالخصوص ٻالاں دی شہادت تے ودھ سارے ݙکھ تے افسوس دا اظہار کیتا اتے آکھیے جو پاکستان، فلسطینی عوام دی ایں حق خود ارادیت دی جدوجہد دی حمایت جاری رکھݨ کیتے پر عزم اے۔وزیر خارجہ فلسطینی ہم منصب کوں، عالمی برادری دی توجہ، فلسطین اچ جاری اسرائیلی فوج دی جارحیت دے پاسے توجہ کراوݨ تے مسئلہ فلسطین دے پر امن حل کیتے پاکستان دی سفارتی کاوشاں بارے ݙسایا ۔وزیر خارجہ فلسطینی ہم منصب کوں وزیر اعظم عمران خان اتے پاکستانی قیادت ولوں ،حق خود ارادیت دی ایں جدوجہد اچ مکمل حمایت دا یقین ݙیوایا۔وزیر خارجہ اوکھے ویلھے ، پاکستانی قوم ولوں اپݨے فلسطینی بھراویں دے نال اظہار یکجہتی کیتا۔فلسطینی وزیر خارجہ ڈاکٹر ریاض المالکی وزیر خارجہ کوں فلسطین دی موجودہ صورتحال بارے ݙسایا ۔علاقائی اتے عالمی سطح تے پاکستان دی سفارتی معاونت تے پاکستان دی قیادت اتے وزیر خارجہ مخدوم شاہ محمود قریشی دا شکریہ ادا کیتا۔

مضمون کا ماخذ : اولمپس کا عروج