اسلام آباد۔8جون (اے پی پی):وزیر مملکت اطلاعات و نشریات فرخ حبیب آکھیے جو روٹی، کپڑا تے مکان دے نعرے دی آڑ اچ زرداری منی لانڈرنگ کیتی، نقلی اکاؤنٹس تے سوئٹزرلینڈ اچ سرے محل بݨائے ،سندھ اچ تریجھی واری پیپلز پارٹی دی حکومت اے، سوائے غربت، کرپشن اتے لٹ مار دے کیڑھا کارنامہ سر انجام ݙتے ،سندھ اچ غربت پاروں وفاقی حکومت ولوں احساس ایمرجنسی کیش دے ساریں توں ودھ 57ارب 13 کروڑ39لکھ 96 ہزار سندھ اچ ونڈیے ڳئن جیڑھے جو ۔جموعی فنڈز دا 35 فیصد اے۔ منگل کوں وزیر مملکت اطلاعات و نشریات فرخ حبیب بلاول زرداری دے بیان تے آپݨے ردعمل اچ آکھیے جو بلاول بھٹو زرداری ݙساون جو سندھ دی عوام کوں مفت علاج کیتے ہیلتھ کارڈ کیوں نی ݙیندے پئے ، پرچی چئیرمین سچ ݙساوے کیا کݨک خریداری دی سپورٹ پرائس 1400 توں ودھا تے 2000 روپے فی مݨ دا اثر اٹے دیاں قیمتاں تے نہ پوسی ؟
مضمون کا ماخذ : عظیم البینی
