اسلام آباد۔2اگست (اے پی پی):وزیر خارجہ مخدوم شاہ محمود قریشی آکھیے جو پاکستان، جھیڑیں دے سیاسی حل کیتے مذاکرات کوں ھکو رستہ سمجھدے ،پاکستان، فلسطین اتے کشمیر دے مسئلیں دا پرامن حل چاہندے ۔اے ڳال انہاں پاکستان دے دورہ تے آئے عرب پارلیمنٹ دے صدر عادل بن عبدالرحمان دی سربراہی اچ عرب پارلیمانی وفد ںال ڳال مہاڑ کریندے ہوئیں آکھی اے ، وزارت خارجہ اچ عرب پارلیمانی وفد ملاقات کیتی۔وزیر خارجہ آکھیے جو عرب پارلیمنٹ، لیگ آف عرب سٹیٹس دا اہم ادارہ اے،پاکستان دی عرب ملکاں نال گھاٹی جڑت ،ھکو سویں مذہبی، ثقافتی اتے تاریخی اقدار دی بنیاد تے استوار اے۔شاہ محمود قریشی آکھیے جو پاکستان دے عرب پارلیمان دے رکن ملکاں نال بہترین ݙو پاسے تعلقات ہن ، اساݙے مشرق وسطیٰ دے ملکاں نال گھاٹے ݙو پاسے تعلقات ہن ، انہاں آکھیے جو پاکستان، مشرق وسطیٰ اچ امن و استحکام چاہندے،او آئی سی دے بانی رکن ہووݨ دے ناطے، اساں اتحاد امہ اچ مثبت کردار ادا کرݨ کیتے پرعزم ہیسے۔
پاکستان، جھیڑیں دے سیاسی حل کیتے مذاکرات کوں حکو رستہ سمجھدے ،وزیر خارجہ مخدوم شاہ محمود قریشی دی عرب پارلیمانی وفد نال ملاقات اچ ڳال مہاڑ
مضمون کا ماخذ : جیک اور بین اسٹالک
متعلقہ مضامین
