اسلام آباد۔2ستمبر(اے پی پی)وفاقی وزیر داخلہ شیخ رشید احمد آکھیے جو خطے اچ پاکستان دیاں ذمہ داریاں ودھݨ آلیاں ہین، طورخ بارڈر تے حالات معمول تے ہین بھل چمن بارڈر کڄھ عرصے کیتے بند کریندے پئے ہیں۔ اے ڳالھ انہاں اسلام آباد اچ پولیس سٹیشن دا افتتاح کرݨ توں بعد میڈیا نال الیندے آکھی۔ انہاں آکھیا جو پاکستان افغانستان اچ امن چاہندے، آوݨ آلے ویلھے ٻہوں اہم فیصلے تھیوݨن اتے پاکستان دا کردار ایندے اچ اہم ہوسی۔ شیخ رشید آکھیا جو بھارتی میڈیا سمجھدے جو افغانستان اچ جو کڄھ تھئے او آئی ایس آئی کیتے، اساں افغانستان دے کہیں مسلے اچ ملوث کائنی بھل بھارتی ایجنسی ‘را’ اتے این ڈی ایس تباہ تھی گئی اے اتے انہاں دی ساری سرمایہ کاری اتے منصوبے ٻݙ ڳین۔ انہاں آکھیا جو افغان سفیر دی دھی دے معاملے تے متعلقہ فوٹیج ݙے تے منہ بند کرا ݙتے۔ انہاں آکھیا جو ن لیگ دی قیادت ڄے مڄے دا شکار اے، ن لیگ دے صدر قومی حکومت ٻݨاوݨ دا آہدن بھل ٻئی آہدی اے جو حکومت نال ڳالھ نئیں کرݨی، جیکر اپوزیشن چاہوے تاں حکومت ہر ویلھے الاوݨ کوں تیار اے۔ انہاں آکھیا جیکر اپوزیشن لانگ مارچ کرݨ چاہندی اے تاں شوق نال کرے، اے لانگ مارچ دا ویلھا نئیں، کہیں کوں وی فساد کھنݙاوݨ دی اجازت نہ ݙتی ویسی۔ انہاں سید علی گیلانی دی جدوجہد کوں خراج تحسین پیش کریندے آکھیے جو اڄ علی گیلانی شہادت پا ڳین، او ہمیشہ لوکاں دے دل اچ جیسن۔
خطے اچ پاکستان دیاں ذمہ واریاں ودھݨ آلیاں ہین،وفاقی وزیر داخلہ شیخ رشید دا کڄھ ݙینھ چمن بارڈر بند کرݨ دا اعلان
مضمون کا ماخذ : میگا سینا آن لائن
متعلقہ مضامین
