اسلام آباد۔8ستمبر (اے پی پی):سپیکر قومی اسمبلی اسد قیصر آکھیے جو ملک اچ شرح خواندگی اچ ودھارے کیتے عوام اچ شعور اجاگر کرݨ دی لوڑھ اے ، ایں حوالے نال سارے فریقین کوں رل تے کم کرݨا ہوسی ، ٻدھ کوں خواندگی دے عالمی ݙینھ دے موقع تے آپݨے پیغام اچ انہاں آکھیے جو کوئی وی معاشرہ شرح خواندگی اچ ودھارے دے بغیر ترقی نی کرسڳدا ۔ ملک دی تعمیر و ترقی کیتے خواندگی دی شرح اچ ودھارا ضروری اے ۔موجودہ حکومت شرح خواندگی دے تناسب اچ ودھارے کیتے ترجیحی بنیاداں تے اقدامات کریندی پئی اے ۔ انہاں آکھیے جوملک اچ تعلیم دا ودھارا تے شرح خواندگی کوں سو فیصد تئیں گھن آوݨ موجودہ حکومت دا وژن اے ۔ملک اچ شرح خواندگی اچ ودھارے کیتے عوام اچ شعور ݙیوݨ دی لوڑھ اے ۔
مضمون کا ماخذ : ریل رش
