اسلام آباد۔5نومبر(اے پی پی)فاقی وزیر اطلاعات و نشریات چوہدری فواد حسین آکھیے جو سابقہ دور دیاں بدترین پالیسیاں ملکی معیشت تباہ کیتی جیندے ٻھوگ اڄ قوم کوں ٻھڳتݨے پوندے پین، عالمی منڈی اچ بحران پاروں تیل دا ملھ ودھدا پئے جیندا اثر اتھاں وی پئے، سندھ اچ ٻئے صوبیاں دے مقابلے اچ اٹے اتے کھنݙ مہانڳی اے، حکومت کولو 22 ݙینھ دا کھنݙ دا سٹاک موجود اے، پنجاب اچ 15 ݙینھ اچ کرشنگ شروع تھی ویسی اتے صورتحال بہتر تھی ویسی۔ اے ڳالھ انہاں وفاقی وزیر برائے غذائی تحفظ و تحقیق فخر امام نال پریس کانفرنس کریندے آکھی۔ انہاں آکھیا جو عوام ن لیگ دیاں ڳالھیں اچ آوݨ آلے نئیں، اج جیڑھے مسلیاں دا حل ݙسیدن، اے حالات انہاں دے مسلاں پاروں ہی ہین، 2010ء توں 2018ء تئیں بدترین سال گذرین ڄݙاں پاکستان دا قرضہ چھی ہزار ارب روپے توں 23 ہزار ارب روپے تئیں پڄیے، ایں سال 10 ارب ڈالر قرضہ ولا ݙیوݨے، آندے سال ٻیا 12 ارب ڈالر قرضہ ولا ݙیوݨے، قرضے نہ ڳھندے تان اڄ اے ݙینھ نہ ݙیکھݨا پوندے۔ انہاں آکھیا جو تیل اتے گیس دا بحران عالمی اے، ایندی درآمد پاروں مسلے ہین۔
سابقہ دور دیاں بدترین پالیسیاں ملکی معیشت تباہ کیتی جیندے ٻھوگ اڄ قوم کوں ٻھڳتݨے پوندے پین، وزیر اطلاعات چوہدری فواد حسین
مضمون کا ماخذ : میگا ملینز کا انعام
متعلقہ مضامین
