اسلام آباد ۔ 13 دسمبر (اے پی پی) ڈھاکہ اچ پاکستان دے نامزد ہائی کمشنر عمران احمد صدیقی جمعے کوں وزارت خارجہ اچ وزیر خارجہ مخدوم شاہ محمود قریشی نال ملاقات کیتی ۔ ملاقات اچ وزیر خارجہ عمران احمد صدیقی کوں بطور ہائی کمشنر ڈھاکہ تعیناتی تے مبارخ ڈتی ۔ وزیر خارجہ نامزد ہائی کمشنر کوں پاکستان دی خارجہ پالیسی ترجیح دے حوالے نال اہم ہدایات ڈتیاں ۔ وزیر خارجہ نامزد ہائی کمشنر ڈھاکہ کوں آکھیے جو تساں ایجھے وقت اچ بطور ہائی کمشنر ذمے واریاں سنبھلیندے پیو جڈاں پاکستان کوں سفارتی محاذ تے چیلجز دا سامنڑاں اے ۔ نامزد ہائی کمشنر ڈھاکہ عمران احمد صدیقی وزیر خارجہ دا شکریہ ادا کریندے ہوئیں انہاں کوں یقین ڈیوایا جو او اپنڑی ساری صلاحیت کوں استعمال کرتے انہاں دے اعتماد تے پورا لہنڑ دی ہر ممکن کوشش کریسن ۔
مضمون کا ماخذ : ایڈونچر کی کتاب
