اسلام آباد ۔ 13 اپریل (اے پی پی) وفاقی وزیر پارلیمانی امور شیخ آفتاب احمد آکھیے جو اٹھارویں ترمیم کوں نہ تاں ختم کیتا ویندا پے تے نہ ہی ایندے اچ کوئی ودھکی گھٹکی کیتی ویندی پئی اے ،وفاقی سطح تے کجھ ایڈجسٹمنٹ دی ضرورت ہئی ،ایں سلسلے اچ کوشش کیتی گی اے ۔جمعے کوں ایوان بالادے اجلاس اچ سینیٹر سسی پلیجو توجہ ڈیواﺅ نوٹس تے کابینہ ڈویژن ولوں 19جنوری کوں اداریں تے فرائض دی واپس منتقلی دے عنوان نال لکھیے گے مراسلے دے پاسے وزیر انچارج دی توجہ ڈیوائی تے آکھیا جو اٹھارویں ترمیم کوں ختم کرنڑ دی کوشش کیتی ویندی پئی اے ۔ وفاقی وزیر پارلیمانی امور شیخ آفتاب احمد جواب ڈیندے ہوئیں آکھیا جو سینیٹر رضا ربانی دا اٹھار ویں ترمیم سانگے کردار ہمیشہ یار رکھیا ویسی ۔نہ حکومت اینکوں ختم کریندی پئی اے تے نہ ہی ایندے اچ کوئی ودھکی گھٹکی کریندی پئی اے ۔وفاقی سطح تے کجھ ایڈجسٹمنٹ دی ضرورت ہئی ۔کیڈ خود مختار وزارت اے ایں سانگے ضروری سمجھا گیا جو سی ڈی اے کوں کابینہ سیکر ٹریٹ توں کڈھ تے کیڈ اچ گھن آیا ونجے ۔کوئی غیر آئینی کم کائنی کیتا ویندا پیا ،وفاقی سطح تے وزارتاں دا جائزہ گھدا ویندا پے ۔
اٹھارہویں ترمیم کو ں نہ تاں ختم کیتا ویندا پے نہ ہی ایندے اچ کوئی کمی بیشی کیتی ویندی پی اے ،وفاقی وزیر پارلیمانی امور شیخ آفتاب
مضمون کا ماخذ : لاٹری جیتنے کی چانسز
متعلقہ مضامین
