ملګري ملتونه 18اپرېل(اے پی پی) په ملګرو ملتونو كښې د پاكستان مستقل استازي منېر اكرم وئيلي دي چې ماحولياتي بدلونونه د پاكستان د كركيلې څانګې ته زيات زيان رسوي چې ورسره د خوراك په برخه كښې په خپلو پښو ولاړ هېواد د خوراك كمي سره مخ كېږي۔ د دې خيالاتو څرګندونه پاكستاني استازي د ملګرو ملتونو د فوډ اېنډ اېګریکلچر آرګنائزېشن ( اېف اے او) لخوا راجوړه كړې شوې يوه مباحثه كښې وكړه۔ ده ووئيل د ماحولياتي بدلونونو ناوړه اغېز د لاسه مونږ له درې كلونو راهېسې ګڼ اړخيزه ستونزو سره مخ يؤ۔ ده ووئيل پاكستان په يو وخت كښې د خوراك په برخه كښې په خپلو پښو ولاړ هېواد وو٬ د پاكستان د افرادي قوت 38 فيصده برخه د كركيلې څانګې سره تړون لرلو او د كال 22۔2021 په مهال د پاكستان په جي ډي پي كښې د كركيلې برخه 22.7 فيصده وه۔ د ماحولياتي بدلونونو د لاسه زمونږ پېداواري صلاحيت پرله پسې كمېږي۔ ده ووئيل د تېر كال سېلاب دلاسه په 4.4 ملین اېکړ رقبه ولاړ فصلونه ډوب شول۔ پاکستانی استازي د ملګرو ملتونو دې خبرې سره اتفاق وكړو چې نړيوال مالياتي نظام په اخلاقي توګه ديواليه شوے دے۔ خلق غېر يقيني او غېر متوقع شاكس سره مخ دي او سره د دې هغوي مرسته ترلاسه كولې شي۔ ده دا حقيقت په ډاګه كولو سره ووئيل چې مونږ له به په نړيوال مالياتي نظام كښې د مېشته كمو لرې كولو هڅې كول وي۔
ماحولياتي بدلونونه د پاكستان د كركيلې څانګه زياته اغيزمنه كوي٬ منير اكرم
مضمون کا ماخذ : پاکستان لاٹری ٹکٹ
متعلقہ مضامین
