اسلام آباد ۔ 9 اپریل (اے پی پی) وزیر خارجہ شاہ محمود قریشی آکھیے جو پاکستان جاپان دے نال اپنڑے ڈو پاسے دے تعلقات کوں بہوں قدر دی نگاہ نال ڈیکھدے ۔اے گال انہاں پاکستان اچ جاپان دے سفیر کونینورو مٹسودا نال گال مہاڑ کریندے ہوئیں آکھی جنہاں منگل کوں اتھاں وزارت خارجہ اچ وزیر خارجہ نال ملاقات کیتی۔ ترجمان دفتر خارجہ ڈاکٹر فیصل دے مطابق ملاقات دے دوران پاکستان اتے جاپان وچال ڈو پاسے دے تعلقات سمیت اہم علاقائی تے سانجھی دلچسپی دے امور تے گال مہاڑ تھئی ۔ فریقین پاکستان اتے جاپان وچال ودھدے ہوئے ڈو پاسے دے تعلقات تے اطمینان دا اظہار کیتا۔وزیر خارجہ ایں موقع تے آکھیا جو پاکستان جاپان دے نال اپنڑے تعلقات کوں قدر دی نگاہ نال ڈیکھدے ۔جاپان پاکستان دا بنیادی اقتصادی شراکت دار اے ۔ وزیر خارجہ آکھیے جو جاپان ، کثیر الجہتی شعبیں اچ پاکستان دی تعمیر و ترقی اچ معاونت کریندا آندے ۔ وزیر خارجہ پاکستان اتے جاپان وچال اقتصادی تعلقات کوں مزید مستحکم بنڑاونڑ تے زور ڈتا ۔ جاپانی سفیر 22، 23اپریل 2019 کوں جاپانی وزیر خارجہ تارو کونو دی خصوصی دعوت تے وزیر خارجہ مخدوم شاہ محمود قریشی دے متوقع دورہ جاپان دے حوالے نال وی تبادلہ خیال کیتا ۔ جاپانی سفیر آکھیا جو وزیر خارجہ شاہ محمود قریشی دے دورہ جاپان نال ڈوہیں ملکاں دے تعلقات مزید مستحکم تھیسن۔
وزیر خارجہ شاہ محمود قریشی نال جاپان دے سفیردی ملاقات
مضمون کا ماخذ : jogos de raspadinha
متعلقہ مضامین
