لاہور ۔ 30 جولائی (اے پی پی) وقاقی وزیر مذہبی امور بین المذاہب ہم آہنگی پیر نور الحق قادری آکھیے جو خراب حالات دے باوجود حکومت حاجیاں سانگے چنگے انتظامات کیتن۔انہاں آکھیا جو ہنڑ تئیں ہک لکھ40 ہزار حاجی مکہ مکرمہ اتے مدینہ شریف پج گن ۔انہاں آکھیا جو روڈ ٹو مکہ پروگرام تحت ایں سال اسلام آباد ائیرپورٹ توں 23ہزار حاجی حج دا فرض ادا کریسن، روڈ ٹو مکہ پروگرام تحت حاجیاں دی امیگریشن دے مراحل اسلام آباد ائیرپورٹ تے ہی مکمل کر گھدے ویندن اتے دوبارہ سعودی عرب اچ انہاں دی ضرورت نی پوندی۔ انہاں آکھیا جوحج دے اتنے وڈے آپریشن اتے انتظامات اچ ہک ادھی خامی کوئی وڈی گالھ کائنی ،میڈیا انہاں کوں ودھا چڑھا تے بیان نہ کرے۔انہاں آکھیا جو ایں سال ڈو لکھ بندے حج پڑھسن جیندے کیتے پاکستان اتے سعودی عرب ڈوہائیں ملکاں چنگے انتظام کیتے ہن،سعودی عرب اچ95فیصد حاجیاں کوں حرم شریف دے نیڑے رہائشاں ڈتیاں گن، بچت سکیم تحت حاجیاں دے خرچ اچ 31ملین ڈالر یعنی 5ارب روپے دی بچت کیتی گی ہے جیرھی جو 25ہزار توں 67ہزار فی حاجی کوں واپس رقم دی شکل اچ ملدی پی ہے۔انہاں آکھیا جو وزیر اعظم عمران خان دی کوششاں دی وجہ نال سعودی عرب ایں سال پاکستان کو ںای ویزے دی سہولت اچ شامل کیتے۔انہاں آکھیا جو کوئٹہ توں پاکستان دی تریخ اچ پہلی واری مدینہ شریف اتے مکہ سانگے حج آپریشن شروع کیتا گئے ۔
خراب حالات دے باوجود حکومت حاجیاں سانگے چنگے انتظامات کیتن ہنڑ تئیں ہک لکھ40 ہزار حاجی مکہ مکرمہ اتے مدینہ شریف پج گن، وقاقی وزیر مذہبی امور بین المذاہب ہم آہنگی
مضمون کا ماخذ : گولڈ رش
متعلقہ مضامین
