چنگ ڈائو۔24اکتوبر(اے پی پی) وفاقی وزیر توانائی(پاور ڈویژن) سردار اویس احمد خان لغاری چین دے شہر چنگ ڈاؤ اچ منعقدہ تریجھی بیلٹ اینڈ روڈ وزارتی کانفرنس دے موقع تے ایرانی ہم منصب عباس علی آبادی نال ملا??ات کیتی تے توانائی دے حوالے نال تعاون تے ڳالھ مہاڑ کیتی ۔ وزارت توانائی ( پاورڈویژن ) توں جاری بیان موجب تھیوݨ آلی ملا??ات اچ وفاقی وزیر اویس لغاری توانائی دے منصوبیں دی اہمیت تے زور ݙیندے آکھیے اے رابطے تے تجارت کوں ودھارا ݙیسن ، فریقین خاص طور تے گوادر ، بلوچستان اچ بجلی دے منصوبے لاوݨ تے ڳالھ مہاڑ کیتی۔اویس لغاری آکھیے ݙوہیں ملکاں وچال بجلی گھراں دے آپریشن اتے نگہداشت اچ تعاون کوں تکڑا بݨاوݨ دی لوڑھ اے ۔علاقائی ملکاں وچال توانائی دے بہتر رابطے تے لوڑھ تے ڳالھ مہاڑ کریندے ݙوہیں وزرا باقاعدہ رابطیں تے مؤثر مواصلات دی لوڑھ کوں وی اجاگر کیتا۔ ݙوہیں وزرا ایں ڳالھ تے اتفاق کیتے جو بجلی گھراں دا مؤثر انتظام توانائی دی سپلائی برقرار رکھݨ تے خطے دی ودھدی ضرورتاں پورا کرݨ سانڳے ضروری اے۔
