اسلام آباد ۔ 17 دسمبر (اے پی پی) سپیکر قومی اسمبلی اسد قیصر وزیر خارجہ شاہ محمود قریشی نال ملاقات کیتی اے جیں اچ ڈوہیں رہنماواں الیکشن کمیشن دے ممبران تے چیف الیکشن کمیشن دے ممبران تے چیف الیکشن کمشنر دے معاملے کوں حل کرنڑ تے اتفاق کیتے۔ ملاقات اچ چیف الیکشن کمشنر اتے الیکشن کمیشن دے ممبران دی تعیناتی تے تھیونڑ آلی پیشرفت تے گال مہاڑ کیتی گی ، بھارت دے متنازعہ شہریت بل نال خطے اچ پیدا تھیونڑ آلی صورت حال تے وی گال مہاڑ تھئی۔ وزیر خارجہ سپیکر کوں اپوزیشن نال تھیونڑ آلی ملاقات بارے ڈسیا تے معاملے کوں حل کرنڑ کیتے ساریاں سیاسی جماعتاں نال مشاورت جاری رکھنڑ دا فیصلہ کیتا گے ۔ایں موقع تے سپیکر قومی اسمبلی اسد قیصر آکھیا جو پارلیمان دی بالادستی کوں قائم رکھنڑ کیتے الیکشن کمیشن دے معاملے کوں پارلیمانی سطح تے حل کرنڑ ضروری اے، اپوزیشن اتے حکومت ایں معاملے اچ اتفاق رائے پیدا کرنڑ کیتے اپنڑاں کردار جاری رکھاں۔ انہاں آکھیے جو ایں معاملے کوں حل کرنڑ کیتے ساریاں سیاسی جماعتاں کوں وڈے دل دا مظاہرہ کرنڑاں ہوسی ۔ایں موقع تے وزیر خارجہ آکھیا جو بھارتی حالیہ اقدام کوں بے نقاب کرنڑ کیتے پارلیمانی سفارت کاری اہم کردار ادا کرسگدی اے ۔
وزیر خارجہ شاہ محمود قریشی نال سپیکر قومی اسمبلی اسد قیصر دی ملاقات
مضمون کا ماخذ : سٹاربرسٹ
متعلقہ مضامین
