اسلام آباد ۔ 4 ستمبر (اے پی پی) وزیر اعظم عمران خان چیئرمین سرمایہ کاری بورڈ کوں ہدایت کیتی اے جو ساریاں وزارتاں اچ کاروبار کوں متعلق عوامل کوں صوکھا بنڑاونڑ تے غیر ضروری اجازت نامیں تے ضابطیں کوں ختم کرنڑ تے کم تکھا کیتا ونجے تے ایں برے ہفتہ وار رپورٹ پیش کیتی ونجے ۔ انہاں اے ہدایت بدھ کوں سمال اینڈ میڈیم انٹرپرائزز کیتے کاروبار اچ آسانیاں پیدا کیتے ونجنڑ دے حوالے نال چاتے گے اقدامات تے بریفنگ دی صدارت کریندے ہوئیں ڈتی اے ۔ اجلاس اچ معاون خصوصی ڈاکٹر فردوس عاشق اعوان، چیئرمین سرمایہ کاری بورڈ زبیر گیلانی و بئے سینئر افسران شریک ہن۔ وزیراعظم کوں چیئرمین سرمایہ کاری بورڈ ولوں ایس ایم ایز کیتے آسانیاں پیدا کرنڑ دے حوالے نال ہنڑ تئیں چاتے گے اقدامات تے تفصیلی بریفنگ ڈتی گئی ،وزیراعظم کوں ڈسایا گیا جو چھوٹے تے درمیانے درجے دے کاروبار شروع کرنڑ تے ایں حوالے نال ضروری اجازت نامہ تے ریجسٹریشن دے عمل کوں کمپیوٹرائزڈ اتے خودکار بنڑاونڑ تے کم جاری اے تاں جو جتھاں طریقہ کار کوں سوکھا بنڑایا ونج سگے اتھاں شفافیت کوں یقینی تے سرخ فیتے دا خاتمہ کیتا ونج سگے ۔ وزیر اعظم کوں ڈسایا گیا جو سمال اینڈ میڈیم انٹرپرائز پالیسی فریم (2019-2024) تشکیل ڈتا ویندا پئے ۔ایں موقع تے وزیراعظم آکھیا جوجو موجودہ حکومت پوری طرح کوشاں اے جو اداریں تے نظام کوں جدید خطوط تے استوار کرنڑ کیتے سارے وسائل استعمال اچ گھن آئے ونجن تے ایں ضمن اچ ٹیکنالوجی دا بھرپور استعمال کیتا ونجے ۔ وزیر اعظم آکھیا جو وزارت قانون دی مشاورت نال کنٹریکٹ انفورسمٹ (معاہدے تے عمل درآمد) دے حوالے نال معاملات اتے لینڈ ریونیو ریکارڈ کوں مزید منظم کرنڑ تے خصوصی توجہ ڈتی ونجے۔
ساریاں وزارتاں اچ کاروبار متعلق عوامل کوں سوکھا بنڑاونڑ، غیر ضروری اجازت نامیں تے ضابطیں کوں ختم کرنڑ تے کم تکھا کیتا ونجے ، وزیر اعظم عمران خان دی چیئرمین سرمایہ کاری بورڈ کوں ہدایت
مضمون کا ماخذ : bolão quina
متعلقہ مضامین
