اسلام آباد ۔ 5 اگست (اے پی پی) چیئرمین سینیٹ محمد صادق سنجرانی آکھیے جو سعودی عرب کشمیر دے مسئلے دے حل کیتے اپنڑاں کردار ادا کرے ،سعودی مملکت دے نال تعلقات کوں قدر دی نگاہ نال ڈیکھدے ، خواہش ہے جو انہاں تعلقات کوں مزید ودھایا ونجے ، پاکستان اچ سرمایہ کاری کیتے بہوں سارے موقع موجود ہن ۔اے گال انہاں سنوار کوں سعودی عرب دے سفیر نواف بن سعد المالکی نال ملاقات اچ آکھی اے۔ ملاقات اچ ڈو طرفہ تعلقات، اہم بین الااقوامی و علاقائی امور تے گال مہاڑ کیتی گئی۔ سعود ی سفیر عدم اعتماد تحریک دے دوران سینٹ ولوں انہاں تے بھرپور اعتماد دے اظہار تے چیئرمین سینیٹ محمد صادق سنجرانی کوں مبارخ ڈتی ۔ ملاقات اچ چیئرمین سینیٹ صادق سنجرانی آکھیے جو ڈوہیں ملکاں وچال تعلقات دے ودھارے اچ سینیٹ نمایاں کردار ادا کرسگدے۔ سعودی عرب نال تعلقات کوں قدر دی نگاہ نال ڈیکھدوں،انہاں آکھیا پاکستان اچ سرمایہ کاری دے بہوں سارے موقع موجود ہن ۔چیئرمین سینیٹ آکھیا جو سعودی سرمایہ کار مختلف شعبیں اچ سرمایہ کاری دے موقعیں توں فائدہ چا سگدن۔ پاکستان تے بالخصوص بلوچستان اچ سرمایہ کاری اچ دلچسپی تے سعودی حکومت اتے محمد بن سلما ن دے شکر گزار ہوں ۔انہاں آکھیا پاکستان او آئی سی توں مطالبہ کریندے جو کشمیر دے مسئلے دے حل کیتے موثر کردار ادا کرے۔ پاکستان تے سعودی عرب ہمیشہ بین الااقوامی فورمز تے جھیڑے دے پر امن حل تے زور ڈتے ۔ایں موقع تے سعودی سفیر آکھیا جو پاکستان خطے دا اہم ملک اے۔ مسلیں دا حل مذاکرات دے ذریعے گولیا ونج سگدے ۔سعودی عرب پاکستان نال اپنڑے ڈو پاسے دے تعلقات کوں اہمیت ڈیندے ۔
سعودی عرب کشمیر دے مسئلے دے حل کیتے اپنڑاں کردار ادا کرے ،چیئرمین سینیٹ محمد صادق سنجرانی دی سعودی سفیر نواف بن سعد المالکی نال ملاقات اچ گال مہاڑ
مضمون کا ماخذ : لاٹری کا حساب
متعلقہ مضامین
