نیویارک ۔ 25 ستمبر (اے پی پی) وزیر خارجہ مخدوم شاہ محمود قریشی میر پور اچ زلزلے نال جانی تے مالی ضیان تے افسوس دا اظہار کریندے ہوئیں آکھیے جو اساں ساریں کوں ایندے تے ڈکھ اے، وزیر اعظم عمران خان وی بہوں ڈکھی ہن ، وفاقی حکومت، آزاد کشمیر دی حکومت اتے نیشنل ڈیزاسٹر مینجمنٹ رل تے زلزلہ زدگان دی امداد کرن۔ بدھ کوں اپنڑے خصوصی ویڈیو پیغام اچ انہاں آکھیے جو میں ایں وقت نیو یارک اچ ہاں تے میکوں ہنڑیں اطلاع ملی اے میر پور اچ زلزلے نال جانی و مالی ضیان تھئے ۔انہاں آکھیے اساڈی کوشش اے جو وفاقی حکومت، آزاد کشمیر دی حکومت اتے نیشنل ڈیزاسٹر مینجمنٹ رل تے زلزلہ زدگان دی وختی امداد کرن۔ اساں اتھاں اقوام متحدہ جنرل اسمبلی اچ کشمیریاں دا مقدمہ لڑنڑ کیتے آیوں تے ایں دران اے ڈکھی خبر دا سامنڑے آونڑ ڈکھ دی گال اے۔ اللہ تعالیٰ زلزلے اچ جاں بحق تھیونڑ آلیں کوں جوار رحمت اچ جاہ ڈیوے تے زخمیاں کوں وختی تندرست فرماوے ۔
وزیر خارجہ مخدوم شاہ محمود قریشی دا میرپور اچ زلزلے نال مالی تے جانی ضیان تے اظہار افسوس
مضمون کا ماخذ : میگا ملینز آن لائن ٹکٹ
متعلقہ مضامین
