مہمند۔19مئی (اے پی پی):وزیر اعظم عمران خان ٻدھ کوں مہمند ڈیم دا دورہ کیتا اتے موقع تے جاری کم دا جائزہ ڳھدا۔ چیئرمین واپڈا لیفٹیننٹ جنرل (ر) مزمل حسین منصوبے تے پیشرفت دے حوالے نال وزیر اعظم کوں بریفنگ ݙتی۔مہمند ڈیم دا سنگ بنیاد وزیر اعظم عمران خان 2مئی 2019 کوں رکھیا ہئی ، مہمند ڈیم دریا سوات تے قبائلی ضلع مہمند اچ تعمیر کیتا ویندا پئے ۔اے کثیر المقاصد منصوبہ سیلابی صورتحال کوں کنڑول کرݨ، زراعت اتے شہری ضرورتاں کیتے پاݨی ذخیرہ کرݨ، سستی اتے ماحول دوست بجلی پیدا کرݨ دی صلاحیت رکھیسی ۔ترائے سو نو ارب توں ودھ (309.6) ارب روپے دی لاگت نال بݨݨ آلے مہمند ڈیم دی اوچائی 213 میٹر ہوسی جیں اچ 1.293 میلین ایکڑ فٹ پاݨی ذخیرہ کرݨ دی گنجائش ہوسی اتے 800 میگاواٹ بجلی پیدا تھیسی۔ وزیراعظم کوں ݙسایا ڳیا جو بجلی، آبپاشی اتے سیلاب توں بچݨ دے ضمن اچ پاکستان کوں مہمند ڈیم دی تکمیل دے بعد سالانہ 51 ارب روپے دا فیدہ تھیسی ۔
وزیر اعظم عمران خان دا مہمند ڈیم دا دورہ ،جاری کم دا جائزہ ڳھدا
مضمون کا ماخذ : موبائل سے لاٹری کھیلیں
متعلقہ مضامین
