لاہور۔6جولائی (اے پی پی):نویں نامزد چیف جسٹس لاہور ہائیکورٹ جسٹس محمدامیر بھٹی اپݨے عہدے دا حلف چا ڳھدے ۔ گورنر پنجاب چوہدری محمد سرور انہاں توں حلف ڳھدے ۔حلف برداری دی تقریب گورنر ہاوس لاہور اچ منعقد تھئی۔ ایں موقع تے وزیر اعلی پنجاب عثمان بزدار،کور کمانڈر لاہور لیفٹیننٹ جنرل محمدعبدالعزیز ،نیول سٹیشن کمانڈر عامر اقبال خان ،ڈپٹی سپیکر پنجاب اسمبلی سرادار دوست مزاری ،صوبائی وزیر قانون راجہ بشارت ،صوبائی وزیر ہاوسنگ و اربن ڈویلپمنٹ میاں محمود الرشید،صوبائی وزیر محسن لغاری ،خاتون محتسب نبیلہ حاکم علی ،آئی جی پنجاب انعام غنی ،چیف سیکرٹری پنجاب جواد رفیق ملک ،سینئر ممبر بورڈ آف ریونیو بابر حیات تارڑ،لاہور ہائیکوٹ دے ججز ، رجسٹرار لاہور ہائیکورٹ ، ایڈووکیٹ جنرل پنجاب احمد اویس، پراسیکیوٹر جنرل پنجاب رانا عارف کمال نون، وفاقی و صوبائی لا افسران ،وکلا تنظیماں دے نمائندے اتے اعلی سول حکام وی موجود ہن ۔تقریب دے شرکا جسٹس محمدامیر بھٹی کوں چیف جسٹس دی ذمہ واری سنبھالݨ تے مبارخ ݙتی ،جسٹس محمدامیر بھٹی 8 مارچ 1962 کوں بورے والا وہاڑی اچ ڄمیے ، ابتدائی تعلیم ملتان توں حاصل کیتی ، 1985 اچ ملتان دی بہاو الدین زکریا یونیورسٹی توں وکالت دی ڈگری ڳھدی، 12 مئی 2011 اچ ایڈیشنل جج بھرتی تھئے، انھاں کوں سول، فوجداری، آئینی، ٹیکس، الیکشن، سیٹلمنٹ اتے سروس دے قوانین تے عبور حاصل اے، 1986 اچ بطور ایڈووکیٹ ہائیکورٹ انہاں دی انرولمنٹ تھئی ، او1999 اچ سیکرٹری ہائیکورٹ بار ملتان وی منتخب تھئے،جسٹس محمد امیر بھٹی 2001 اچ سپریم کورٹ اچ وکالت دا آغاز کیتے۔12 مئی 2011 کوں جسٹس محمد امیر بھٹی ہائیکورٹ دے جج دے طور تےعہدے دا حلف چاتے۔ جسٹس محمدامیر بھٹی امریکن بار ایسوسی ایشن، انٹرنیشنل بار ایسوسی ایشن لندن دے عہدے تے وی فائز رہیے تے مختلف اداریں اچ بطور لیگل ایڈوائزر وی فرائض سرانجام ݙے چکئن ۔
چیف جسٹس لاہور ہائیکورٹ جسٹس محمدامیر بھٹی عہدے دا حلف چا ڳھدے
مضمون کا ماخذ : لاٹری ٹکٹ کی قیمت
متعلقہ مضامین
