اسلام آباد۔3ستمبر (اے پی پی):پاکستان اتے برطانیہ دے وزراء خارجہ ݙو پاسے تعلقات اتے سانجھی دلچسپی دے مختلف شعبیں اچ تعاون ودھاوݨ تے اتفاق کیتے ۔ جمعے کوں وزیر خارجہ مخدوم شاہ محمود قریشی اتے برطانوی وزیر خارجہ ڈومینک راب وچال وزارت خارجہ اچ وفد دی سطح تے مذاکرات تھئن ۔ مذاکرات اچ نمائندہ خصوصی افغانستان ایمبیسڈر محمد صادق، سیکرٹری خارجہ سہیل محمود، سپیشل سیکرٹری خارجہ رضا بشیر تارڑ اتے وزارت خارجہ دے سینئر افسران شرکت کیتی۔ وزیر خارجہ برطانوی وزیر خارجہ ڈومینک راب اتے انہاں دے وفد کوں وزارت خارجہ آمد تے خوش آمدید آکھیے۔ ایں موقع تے ڳال کریندے ہوئیں وزیر خارجہ مخدوم شاہ محمود قریشی آکھیے جو تساݙا اے دورہ ایجھے تاریخی ویلھے تے تھیندا پئے جݙاں افغانستان دی صورتحال اہم تاریخی موڑ توں گزردی پئی اے ، میݙا 16 اگست اتے 27 اگست کوں تساں نال ٹیلی فونک رابطہ تھیا، اساں افغانستان دی بدلدی صورتحال تے ڳال کیتی ، وزیراعظم پاکستان عمران خان اتے وزیراعظم برطانیہ بورس جانسن وچال وی ٹیلی فونک رابطہ اتے افغانستان دی صورتحال تے ڳال تھئی ۔ وزیر خارجہ برطانوی ہم منصب کوں مختلف ملکاں دے وزراء خارجہ نال تھیوݨ آلے اڄوکے رابطے بارے وی ݙسایا ۔
وزیر خارجہ شاہ محمود قریشی اتے برطانوی وزیر خارجہ ڈومینک راب وچال مذاکرات، ݙو پاسے تعلقات تے سانجھی دلچسپی دے مختلف شعبیں اچ تعاون ودھاوݨ تے اتفاق
مضمون کا ماخذ : como jogar na loteria
متعلقہ مضامین
