اٹک۔5نومبر(اے پی پی)وزیراعظم عمران خان آکھیے جو کورونا وبا پورے ڄڳ کوں اوکھا کیتے، عام لوکاں کوں مہانڳ توں بچاوݨ کیتے اقدامات کریندے پئے ہیں، 13 کروڑ لوکاں کوں احساس راشن پروگرام دے تحت اشیائے ضروریہ تے سبسڈی ݙیسن، شوگر ملاں کم بند کر تے اتے ذخیرہ اندوزی کر تے کھنݙ دا ملھ ودھائے، پنجاب حکومت اے سٹے آرڈر ختم کراوے، مارچ تئیں پنجاب اچ ہر شہری کولو ہیلتھ کارڈ ہوسی، اساں آوݨ آلیاں نسلاں کیتے سچیندے ہیں، تنقید کرݨ آلے 5 سال بعد ساݙی کارکردگی دا جائزہ ڳھنن، پسماندہ علاقیاں دی حالت بدلیسوں۔ اے ڳالھ انہاں اٹک اچ زچہ بچہ ہسپتال دا منݙھ ٻدھݨ دی تقریب نال خطاب اچ آکھی۔ وزیراعظم آکھیے جو تریمتیں دی زچگی اچ اموات دی شرح ودھ اے جیندی وجہ سہولتآں نہ ہووݨ اے، پنجاب اچ 5 زچہ بچہ ہسپتال ٻݨیدے پئے ہیں، پسماندہ علاقیاں کوں ترجیح ݙتی ویسی۔ وزیراعظم آکھیے جو بدقسمتی نال پاکستان 30 سالاں اچ بھارت اتے بنگلہ دیش توں وی پچھو لڳا ڳئے اتے 2 حکمران خاندان امیر ترین تھی ڳین، اڄ تنقید کوں نہ ݙیکھو، 5 سال بعد جائزہ ڳھدا ونڄے جو غربت مکی اے؟ عام آدمی دا جیوݨ سوکھا تھئے٘ حکومت لوکاں کوں سوکھا کرݨ تے کم کریندی پئی اے جیندے نال آوݨ آلیاں نسلاں کوں فیدہ تھیسی۔ ملک اچ پہلی واری اینڄھی حکومت آئی اے جئیں سب توں ودھ غریباں اتے آوݨ آلیاں نسلاں کیتے سوچے۔ وزیراعظم آکھیے جو عوام کوں مہانڳ توں بچاوݨ کیتے کم کریندے پئے ہیں، سپلائی بحال تھیندے ہی قیمتاں ݙھے ویسن۔
کورونا وبا پورے ڄڳ کوں اوکھا کیتے، عام لوکاں کوں مہانڳ توں بچاوݨ کیتے اقدامات کریندے پئے ہیں، وزیراعظم عمران خان
مضمون کا ماخذ : پاور بال کی پیشن گوئی
متعلقہ مضامین
