اسلام آباد ۔ 6 مارچ (اے پی پی) وزیر خارجہ شاہ محمود قریشی آکھیے جو امریکا ،روس چین سودھے کئی ملکاں پرائیویٹ ڈپلومیسی دے ذریعے پاک بھارت کشیدگی گھٹ کرنڑ اچ اہم کردار ادا کیتے ۔دنیا اساڈے نقطہ نظر کوں من گھدے تے ایندی تعریف کیتی اے ۔ بھارت دے اشتعال انگیز اتے جارحانہ بیانات دے باوجود صبرو تحمل اتے برداشت دا مظاہرہ کیتے تے اساڈا رد عمل محتاط ہئی۔پاکستان بھارت دے نال سارے تصفیہ طلب معاملات مذاکرات دے ذریعے حل کرنڑچاہندے ۔ پاکستان امن پسند ملک اے تے علاقائی استحکام و ترقی اتے افغانستان اچ امن چاہندے ۔بدھ کوں اتھاں اسلام آباد انسٹی ٹیوٹ آف سٹریٹجک سٹڈیز دے زیر اہتمام سی پیک دے حوالے نال کانفرنس توں خطاب تے میڈیا نال گال مہاڑ کریندے ہوئیں وزیر خارجہ آکھیے جووزارت خارجہ پاک چین تعلقات اچ ودھارے دی تجویز کوں خوش آمدید اکھیندی اے ۔وزیر خارجہ آکھیے جو چین نال تعلقات پاکستان دی خارجہ پالیسی دا مرکزی ستون اے ، سی پیک خطے دی ترقی کیتے ڈوہیں ملکاں دی خواہش دا ثبوت اے ۔پلوامہ واقعے دے بعد چینی قیادت پاکستان اتے بھارت کوں گال مہاڑ دے ذریعے مسلیں دے حل دا مشورہ ڈتے ۔ایں موقع تے میڈیا نال گال مہاڑ اچ انہاں آکھیے جو پاکستان بھارت دے نال ملٹری آپریشنز ڈائریکٹوریٹ سطح تے ہفتہ وار رابطے بحال کر نڑ کیتے تیار اے جڈاں جو نئی دہلی اچ تعینات پاکستان دے ہائی کمشنر سہیل محمود مشاورت پوری تھیونڑ دے بعد ہک ڈو ڈینھ اچ بھارت واپس ویسن ۔ایں طرح حسب وعدہ کرتار پور راہداری متعلق معاہدے دے مسودے تے گال مہاڑ کیتے پاکستانی وفد 14مارچ کو ں نئی دہلی جڈاں جو بھارتی وفد 28مارچ کوں اسلام آباد اسی۔اجوکی پاک بھارت کشیدگی متعلق ہک سوال دا جواب ڈیندے ہوئیں وزیر خارجہ آکھیے جو امریکی سیکرٹری خارجہ پومپیو دے ترجمان وی برملا آکھ ڈتے جو پرائیویٹ ڈپلومسیی کوں استعمال اچ گھن آندے ہوئیں امریکا وڈا مثبت کردار ادا کیتے ۔چین، روس، سعودی عرب، ترکی یو اے ای اتے اردن سمیت کئی ملکاں اہم کردار ادا کیتے ۔انہاں ملکاں کوشش کیتی جو پاک بھارت کشیدگی کوں سفارتکاری دے ذریعے ختم کیتا ونجے۔انہاں ملکاں بھارتی وزیر خارجہ سشما سوراج اتے میں نال مسلسل رابطے کیتے جڈان جو انہاں دے سامنڑے پاکستان دا نقطہ نظر پیش کیتے ۔میکوں خوشی اے جو دنیا ساڈے نقطہ نظر کوں من گھدے ۔
امریکی روس چین سودھے کئی ملکاں پاک بھارت کشیدگی گھٹ کرنڑ اچ اہم کردار ادا کیتے ،وزیر خارجہ شاہ محمود قریشی
مضمون کا ماخذ : گنہر نا لوٹیریا
متعلقہ مضامین
