اسلام آباد ۔ 3 مارچ(اے پی پی)ایل او سی تے بھارتی فورسز دی فائرنگ نال شہید تھیونڑ آلا شہید حوالدار عبدالرب تونسہ شریف اچ اپنڑے آبائی علاقے اچ سپرد خاک کر ڈتا گئے جتھاں اوندے نماز جنازہ اچ بریگیڈیر فیاض، اسسٹنٹ کمشنر تونسہ چوھدری نوید حسین ،ڈی ایس پی تونسہ سعادت علی سودھے عمائدین علاقہ اتے لوکاں دی وڈی تعداد شرکت کیتی اتے پاکستان زندہ باد دے نعرے لائے اتے شہید دی قربانی کوں زبردست خراج تحسین پیش کیتا،پاک فوج دے چاق و چوبند دستے شہید دے جسد خاکی کوں سلامی ڈتی۔شہید عبدالرب چھنڑ چھنڑ کوں ایل او سی دے نکیال سیکٹر تے بھارتی جارحیت دا مقابلہ کریندے ہوئے شہادت پاءگئے ہن۔31 سالہ حوالدار عبدالرب دا تعلق ڈیرہ غازی خان دی تحصیل تونسہ دے علاقے نتکانی نال ہا۔ شہید اپنڑے پچھوہک بیوہ اتے 2دھیریں چھوڑین۔ شہید دے پیو دا آکھنڑ ہا جو میڈے بئے پتروی وطن تے جندڈیونڑ کوں تیار ہین۔شہید دے بھرا عزم کیتے جو وطن دی حفاظت ساڈا ایمان اے ۔ شہید دے مامے آکھیے جو عبدلرب کوں ہمیشہ توں شہادت دی سِک ہئی اتے اوں شہید تھی تے ساڈا مانڑ ودھائے۔
ایل او سی تے بھارتی فورسز دی فائرنگ نال شہید تھیونڑ آلا شہید حوالدار عبدالرب سیال سپرد خاک
مضمون کا ماخذ : bolão dupla sena
متعلقہ مضامین
